ଭାରତରେ ବାର୍ଷିକ ମାଧ୍ୟମିକ ପରୀକ୍ଷାରେ ମଲକାନଗିରି ଜିଲ୍ଲା ଶୀର୍ଷରେ ରହିଛି।

ମାଲକାନଗିରି,୩ା୫(ଗୌରିଶଙ୍କର ପଣ୍ଡା/ଶିବଦତ୍ତ ସାହୁ): ଚଳିତବର୍ଷ ବାର୍ଷିକ ମାଧ୍ୟମିକ ପରୀକ୍ଷା ଫଳରେ ମାଲକାନଗିରି ଜିଲାର ପାସ ହାର ରାଜ୍ୟର ହାରାହାରି ପାସ ହାରଠାରୁ ଅଧିକ ରହିବା ସହ ସର୍ବାଧିକ ଏ ଗ୍ରେଡ ପାଇ ଶୀର୍ଷରେ ରହିଛି।ବାଲିମେଳାସ୍ଥିତ ପିଏମଶ୍ରୀ ସରକାରୀ ଉଚ୍ଚ ବିଦ୍ୟାଳୟ ଛାତ୍ରୀ ଶୁଭଶ୍ରୀ ନାୟକ ମୋଟ ୫୬୫ ନମ୍ବର(୯୪.୧୬%) ରଖି ଜିଲା ଟପ୍ପର ହୋଇଛନ୍ତି। ବାର୍ଷିକ ମାଧ୍ୟମିକ ପରୀକ୍ଷାରେ ଜିଲାରୁ ୨୨ ଛାତ୍ରୀଛାତ୍ର ୯୦ ପ୍ରତିଶତ ଅଧିକ ମାର୍କ ରଖି କୃତାକାର୍ଯ୍ୟ ହୋଇଛନ୍ତି। ୬୬ଜଣ ୮୦ ପ୍ରତିଶତରୁ ଅଧିକ ମାର୍କ ରଖିଛନ୍ତି। ଜିଲା ଶିକ୍ଷାଧିକାରୀ ଚିତ୍ତରଞ୍ଜନ ପାଣିଗ୍ରାହୀ ଜିଲା ଶିକ୍ଷା କାର୍ଯ୍ୟାଳୟ ପକ୍ଷରୁ କୃତୀ ପିଲାଙ୍କୁ ଶୁଭେଚ୍ଛା ପ୍ରଦାନ କରାଯାଇଛି। ଜିଲା ବିଜ୍ଞାନ ନିରୀକ୍ଷକ ଜଗନ୍ନାଥ ପ୍ରସାଦ ବେହେରାଙ୍କ ଖବର ଅନୁଯାୟୀ ୨୫୫ ପରୀକ୍ଷା ଦେଇ ନ ଥିବା ଛାତ୍ରୀଛାତ୍ର ମୁକ୍ତ ବିଦ୍ୟାଳୟ ମାଧ୍ୟମରେ ପୁନଶ୍ଚ ପରୀକ୍ଷା ଦେବେ। ଫେଲ ହୋଇଥିବା ୩୯୯ ଛାତ୍ରୀଛାତ୍ର ପୁଣି ଥରେ ସପ୍ଲିମେଣ୍ଟରି ପରୀକ୍ଷା ଦେବା ବ୍ୟବସ୍ଥା କରାଯାଉଛି।