ଭାରତର ଶକ୍ତି ସଙ୍କଟ ବୈଶ୍ୱିକ ଅଭାବ ମଧ୍ୟରେ ପର୍ଯ୍ୟାପ୍ତ ଯୋଗାଣର ପ୍ରତିଶ୍ରୁତି ଦେଲେ ସରକାର

ନୂଆଦିଲ୍ଲୀ : ପଶ୍ଚିମ ଏସିଆରେ ଜାରି ଯୁଦ୍ଧକୁ ପାଖାପାଖି ତିନି ସପ୍ତାହ ହୋଇ ସାରିଛି। ଏହି ସଂଘର୍ଷ ବୈଶ୍ୱିକ ଶକ୍ତି ସଙ୍କଟ ସୃଷ୍ଟି କରିଛି। ସବୁଠୁ ବଡ଼ ଶକ୍ତି ଆମଦାନିକାରୀଙ୍କ ମଧ୍ୟରେ ଭାରତ ଗୋଟିଏ ଥିବା ଅଛପା ନାହିଁ। କେନ୍ଦ୍ର ସରକାର ପ୍ରାୟ ପ୍ରତିଦିନ ହିଁ ଲୋକଙ୍କୁ ଶାନ୍ତ ରହିବାକୁ ଅପିଲ କରୁଛନ୍ତି , କିନ୍ତୁ ଜନତାଙ୍କ ମଧ୍ୟରେ ଭୟ ଜାରି ରହିଛି। ଆଜି ମଧ୍ୟ ପେଟ୍ରୋଲିୟମ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ପଶ୍ଚିମ ଏସିଆରେ ଚାଲୁଥିବା ଯୁଦ୍ଧ କାରଣରୁ ଏଲପିଜିର ସ୍ଥିତି ଚିନ୍ତାଜନକ ହୋଇ ରହିଛି, ହେଲେ ବର୍ତ୍ତମାନ ଦେଶରେ ସନ୍ତୋଷଜନକ ମାତ୍ରାରେ ଏଲପିଜି ରହିଛି। କୌଣସି ବି ଡିଷ୍ଟ୍ରିବ୍ୟୁଟରଙ୍କ ଏଠାରେ କୌଣସି ଅଭାବ ପରିଲିଖିତ ହୋଇ ନାହିଁ। ଏହା ବ୍ୟତୀତ ଦେଶରେ କ୍ରୁଡ୍ ଅଏଲର ମଧ୍ୟ ପର୍ଯ୍ୟାପ୍ତ ଭଣ୍ଡାର ଅଛି। ଏହାସହ ପେଟ୍ରୋଲ ପମ୍ପ, ଘରୋଇ ପିଏନଜି ଓ ଗାଡ଼ି ଗୁଡ଼ିକରେ ବ୍ୟବହୃତ ସିଏନଜିର ସପ୍ଲାଇ ମଧ୍ୟ ନିରନ୍ତର ଜାରି ରହିଛି। ଦେଶର ଜନତାଙ୍କୁ ଶାନ୍ତିର ଅପିଲ କରି ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ୍ ମନ୍ତ୍ରଣାଳୟର ଯୁଗ୍ମ ସଚିବ ସୁଜାତା ଶର୍ମା ଏହି ସଙ୍କଟରେ ସରକାରଙ୍କ ଦ୍ୱାରା କରାଯାଉଥିବା ପ୍ରୟାସକୁ ବିସ୍ତାର ଭାବେ କହିଛନ୍ତି। ସେ କହିଛନ୍ତି- ଅଶୋଧିତ ତୈଳର ସ୍ଥିତି ଓ ରିଫାଇନାରୀ ସଞ୍ଚାଳନ ସାମାନ୍ୟ । ପେଟ୍ରୋଲ ପମ୍ପ ଗୁଡ଼ିକରେ ମଧ୍ୟ କେଉଁଠି ବି ଡ୍ରାଇ-ଆଉଟ୍ ଦେଖାଯାଇ ନାହିଁ। ଘରୋଇ ପିଏନଜି ଓ ସିଏନଜିର ମଧ୍ୟ ପର୍ଯ୍ୟାପ୍ତ ସପ୍ଲାଇ ଜାରି ରହିଛି। ସେ କହିଛନ୍ତି , ଆମେ ଗତ ତିଛି ଦିନରୁ ବ୍ୟାପାରିକ ଏଲପିଜି ଉପଭୋକ୍ତାଙ୍କୁ ଅପିଲ କରୁଛୁ କି, ଯେପର୍ଯ୍ୟନ୍ତ ସମ୍ଭବ ହେଉଛି , ଏଲପିଜିରୁ ସିଏନଜି ଆଡ଼କୁ ସିଫ୍ଟ କରନ୍ତୁ , ସରକାର ଏହି ଦିଗରେ କମ୍ପାନୀ ଗୁଡ଼ିକୁ ମଧ୍ୟ ପ୍ରୋତ୍ସାହନ ଦେଉଛନ୍ତି। ଏଲପିଜି ସଙ୍କଟ ମଧ୍ୟରେ ସରକାର ପିଏନଜି ପକ୍ଷରୁ ଉପଭୋକ୍ତାଙ୍କୁ ସିଫ୍ଟ କରିବା କାମକୁ ଗତିଶୀଳ କରୁଛନ୍ତି। ଏହି ପ୍ରକ୍ରିୟାକୁ ସହଜ ମଧ୍ୟ କରାଯାଇଛି। ସୁଜାତା ଶର୍ମା କହିଛନ୍ତି -ଭାରତ ସରକାର ସବୁ ରାଜ୍ୟ ସରକାରଙ୍କୁ ୧୦ ପ୍ରତିଶକ ଅତିରିକ୍ତ ବାଣିଜ୍ୟିକ ପିଏନଜି ଦେବାକୁ ପ୍ରତିଶ୍ରୁତି ଦେଇଛନ୍ତି, ଏହି ପ୍ରକ୍ରିୟା ପିଏନଜି ନେଟୱର୍କକୁ ଦୃଢ ଓ ବିସ୍ତାର ଦେବାରେ ସାହାଯ୍ୟ କରିବେ। ଆମର ଏହି ମିଳିତ ପ୍ରୟାସ ଗୁଡ଼ିକରେ ଗତ ଦୁଇ ସପ୍ତାହରେ ପାଖାପାଖି ୧,୨୫,୦୦୦ ନୂଆ ଘରୋଇ ,ବାଣିଜ୍ୟିକ ଓ ଔଦ୍ୟୋଗିକ କନେକ୍ସନ ଜାରି କରାଯାଇଛି। ଗତ ତିନି ଦିନରେ ୫,୬୦୦ରୁ ଅଧିକ ଏଲପିଜି ଉପଭୋକ୍ତା ପିଏନଜିରେ ମଧ୍ୟ ଶିଫ୍ଟ ହୋଇଛନ୍ତି। ଆହୁରି ମଧ୍ୟ ପଢନ୍ତୁ :ଇରାନ ଆକ୍ରମଣକୁ ନେଇ ଉପସାଗରୀୟ ଦେଶମାନେ ପହଞ୍ଚିଲେ ଜାତିସଂଘରେ: ତୁରନ୍ତ ଏମର୍ଜେନ୍ସି ଡିବେଟ୍‌ ଦାବି କଲେ