ଭାରତୀୟ ଚଳଚ୍ଚିତ୍ର'ଧୁରନ୍ଧର "ରେ ପ୍ରଦର୍ଶିତ'ଏଫ. ଏ. 9. ଏଲ. ଏ". ଗୀତ ସହିତ ବାହାରିନ ରାପର ଫ୍ଲିପ୍ରାଚି ଗିନିଜ ବିଶ୍ୱ ରେକର୍ଡ ସ୍ଥାପନ କରିଛନ୍ତି।

ନୂଆଦିଲ୍ଲୀ ୦୧/୦୨:ବାହାରିନ୍ ରାପର୍ ଫ୍ଲିପରାଚି ଏକ ବଡ଼ ଉପଲବ୍ଧି ହାସଲ କରିଛନ୍ତି । ତାଙ୍କର ୨୦୨୪ ମସିହାର ‘ଏଫ୍‌ଏ୯ଏଲ୍‌ଏ’ ଗୀତ ୨୦୨୫ରେ ମୁକ୍ତିପ୍ରାପ୍ତ ଆଦିତ୍ୟ ଧର୍‌ଙ୍କ ନିର୍ଦ୍ଦେଶିତ ଫିଲ୍ମ ‘ଧୁରନ୍ଧର୍’ରେ ସ୍ଥାନ ପାଇବା ପରେ ସେ ଗିନିଜ୍ ବିଶ୍ୱ ରେକର୍ଡର ଅଧିକାରୀ ହୋଇଛନ୍ତି । ଏହି ଉପଲବ୍ଧି ବିଶ୍ୱ ମଞ୍ଚରେ ବୃଦ୍ଧି ପାଉଥିବା ଆଞ୍ଚଳିକ ପ୍ରତିଭାର ପ୍ରତିଫଳନ । ଆରବ ଓ ଦକ୍ଷିଣ ଏସୀୟ ମନୋରଞ୍ଜନ ଉଦ୍ୟୋଗ ମଧ୍ୟରେ ସାଂସ୍କୃତିକ ବିନିମୟର ମଧ୍ୟ ଏହା ପ୍ରସାର କରିଛି । ‘ଏଫ୍‌ଏ୯ଏଲ୍‌ଏ’ ପୂର୍ବରୁ ଆଞ୍ଚଳିକ ଲୋକପ୍ରିୟତା ହାସଲ କରିଥିଲା । ଏବେ ହାଇ-ପ୍ରୋଫାଇଲ ଭାରତୀୟ ଫିଲ୍ମ ସହ ଯୋଡ଼ି ହୋଇ ପୁଣି ଥରେ ସଫଳତା ସହିତ ଅନ୍ତର୍ଜାତୀୟ ସ୍ତରରେ ଆକର୍ଷଣର କେନ୍ଦ୍ର ହୋଇଛି । ଫିଲ୍ମରେ ‘ଏଫ୍ଏ୯ଏଲ୍ଏ’ ଗୀତର ଉପଯୋଗ ଉଭୟ ଗୀତ ଓ ଏହାର ପ୍ରସ୍ତୁତକର୍ତ୍ତାଙ୍କୁ ଭାରତୀୟ ସଙ୍ଗୀତରେ ସ୍ଥାନ ଦେଇଛି । ଏହା ଦ୍ୱାରା ଫ୍ଲିପରାଚିଙ୍କ ଫ୍ୟାନ୍‌ଙ୍କ ସଂଖ୍ୟା ବିଶ୍ୱରେ ବଢ଼ିଛି । ଆରବ ବିଲ୍‌ବୋର୍ଡ ଓ ଗିନିଜ୍ ବିଶ୍ୱ ରେକର୍ଡସ ଆରବ ଟିମ୍ ଏକ ଭିଡିଓ ଶେୟାର କରିଛନ୍ତି, ଯେଉଁଥିରେ ଏକ ଫଟୋସୁଟ୍ ସମୟରେ ଫ୍ଲିପରାଚି ନିଜର ବିଶ୍ୱ ରେକର୍ଡ ବିଷୟରେ ଜାଣି ଆଶ୍ଚର୍ଯ୍ୟ ହୋଇଥିବା ଦେଖିବାକୁ ମିଳିଛି । ଏହି କୃତିତ୍ୱକୁ ସେ ପରମାଣୁ ବିସ୍ଫୋରଣ ବୋଲି କହିଛନ୍ତି । ତାଙ୍କର ଏଫ୍ଏ୯ଏଲ୍ଏ ଗୀତ ବିଲ୍‌ବୋର୍ଡ ଚାର୍ଟର ଶୀର୍ଷରେ ରହିଛି । ୪ ଆରବିକ୍ ବିଲ୍‌ବୋର୍ଡ ଚାର୍ଟରେ ୧ ଜାନୁଆରୀ ଯାଏ ମଧ୍ୟ ଏହା ଶୀର୍ଷରେ ଥିଲା । ଆହୁରି ପଢ଼ନ୍ତୁ...ରୋହିତ୍ ଶେଟ୍ଟୀଙ୍କ ମୁମ୍ବାଇସ୍ଥିତ ଘର ଉପରକୁ ଗୁଳିମାଡ଼, ଦୁର୍ବୃତ୍ତ ଫେରାର୍ ଏଫ୍‌ଏ୯ଏଲ୍‌ଏ ଗୀତ ପ୍ରଥମେ ୨୦୨୪ରେ ରିଲିଜ୍ ହୋଇଥିଲା । କିନ୍ତୁ ‘ଧୁରନ୍ଧର୍’ ଫିଲ୍ମରେ ସ୍ଥାନ ପାଇବା ପରେ ବିଶ୍ୱସ୍ତରରେ ଖ୍ୟାତି ଅର୍ଜନ କଲା । ଗୀତ ସହିତ ଅକ୍ଷୟ ଖାନ୍ନାଙ୍କ ନୃତ୍ୟ ଚାହୁଁ ଚାହୁଁ ସୋସିଆଲ ମିଡିଆ ସେନ୍ସେସନ୍ ପାଲଟିଲା । ଆସନ୍ତା ମାର୍ଚ୍ଚ ୧୪ରେ ଫ୍ଲିପରାଚି ପ୍ରଥମ ଥର ଭାରତ ଆସିବେ । ବେଙ୍ଗାଲୁରୁରେ ୟୁଏନ୍୪୦ ମ୍ୟୁଜିକ୍ ଫେଷ୍ଟିଭାଲ୍‌ରେ ସେ ଯୋଗ ଦେବେ । ଏହା ପୂର୍ବରୁ ଗିନିଜ୍ ବିଶ୍ୱ ରେକର୍ଡ ତାଙ୍କ ଲୋକପ୍ରିୟତାକୁ ସୁଦୂରପ୍ରସାରୀ କରିଛି । ଫ୍ଲିପରାଚି ଦୀର୍ଘ ଦୁଇ ଦଶନ୍ଧି ଧରି ଆରବ ହିପ୍-ହପ୍‌ରେ ସକ୍ରିୟ ଅଛନ୍ତି ।