ମ୍ୟାଟ୍ରିକ ପରୀକ୍ଷାରେ 571 ମାର୍କ ରଖି କୋରାପୁଟର ଛାତ୍ର ଟପ୍ପର ହୋଇଛନ୍ତି।

ଜୟପୁର,୩ା୫(ପବନ ପାଣିଗ୍ରାହୀ): ଚଳିତବର୍ଷ ରାଜ୍ୟ ମାଧ୍ୟମିକ ଶିକ୍ଷା ପରିଷଦର ପରିଚାଳିତ ମ୍ୟାଟ୍ରିକ ପରୀକ୍ଷାରେ କୋରାପୁଟ ଜିଲା ଜୟପୁର ଶାରଦା ବିହାର ସରସ୍ବତୀ ଶିଶୁ ବିଦ୍ୟାମନ୍ଦିର ଛାତ୍ର ଅଂଶୁମାନ ପ୍ରିୟଦର୍ଶୀ ମୋଟ ୫୭୧ ନମ୍ବର ରଖି କୋରାପୁଟ ଜିଲା ଟପ୍ପର ହୋଇଛନ୍ତି। ଛାତ୍ରୀ ଅନନ୍ୟା ପଟ୍ଟନାୟକ ୫୭୦ ନମ୍ବର ରଖି ଦ୍ୱିତୀୟ ହୋଇଛନ୍ତି। ଉଭୟ ଡାକ୍ତର ହୋଇ ଲୋକଙ୍କ ସେବା କରିବାକୁ କହିଛନ୍ତି। ଅଂଶୁମାନଙ୍କ ବାପା ଡମ୍ବରୁଧର ଭୂମିଆ ଓ ମା ଝୁନୁ ଭୂମିଆ। ଅନନ୍ୟାଙ୍କ ବାପା ଶିବାଜୀ ପଟ୍ଟନାୟକ ଓ ମା ସବିତା ମହାନ୍ତି। ପିତା ଓ ମାତାଙ୍କ ଆଶୀର୍ବାଦ ସହ ବିଦ୍ୟାଳୟର ଗୁରୁମା, ଗୁରୁଜୀ ଓ ଟୁଉସନ୍‌ ଗୁରୁଜୀଙ୍କ ଯୋଗୁ ଏହି ସଫଳତା ପାଇଥିବା କହିଛନ୍ତି।