ଶୀର୍ଷକ ଭାରତ-ଆମେରିକା ବାଣିଜ୍ୟ ଚୁକ୍ତି ଶସ୍ତା ସାମଗ୍ରୀ ଏବଂ ନୂତନ ରପ୍ତାନୀ ସୁଯୋଗ ଆଣିଥାଏ

IND-USA Trade Deal:ଭାରତ ଓ ଆମେରିକା ମଧ୍ୟରେ ସମ୍ପ୍ରତି ଘୋଷିତ ଟ୍ରେଡ୍ ଡିଲ୍ ପରେ ଅର୍ଥନୀତିକ ବିଶେଷଜ୍ଞମାନେ ଏହାର ପ୍ରଭାବକୁ ଡିକୋଡ୍ କରିବାରେ ଲାଗିଛନ୍ତି। ବିଶେଷଜ୍ଞଙ୍କ ମତାନୁସାରେ, ଏହି ଚୁକ୍ତି ଅନୁସାରେ ଭାରତ ଆମେରିକୀୟ ସାମଗ୍ରୀ ପାଇଁ ନିଜ ମାର୍କେଟ୍‌କୁ ଅଧିକ ଖୋଲିଛି। ଏହାର ପରିଣାମସ୍ୱରୂପ ଆମେରିକାରୁ ଆସୁଥିବା ଅନେକ ସାମଗ୍ରୀ ଭାରତୀୟ ଗ୍ରାହକଙ୍କ ପାଇଁ ଶସ୍ତା ହେବାକୁ ଯାଉଛି। ଭାରତରେ କଣ ହେବ ଶସ୍ତା:ଟ୍ରେଡ୍ ଡିଲ୍ ପରେ ଭାରତକୁ ଆମଦାନି ହେଉଥିବା କୃଷି ଉତ୍ପାଦ ଯଥା ଡାଲି, ଦୁଗ୍ଧ ଜାତୀୟ ସାମଗ୍ରୀ, ପ୍ରୋସେସ୍ଡ ଫୁଡ୍ ଆଇଟମ୍‌ର ଦାମ କମିପାରେ। ଏହା ସହ ଟେକ୍ ହାର୍ଡୱେୟାର ଯଥା ଲ୍ୟାପଟପ୍, ଗ୍ୟାଜେଟ୍, ଇଲେକ୍ଟ୍ରୋନିକ୍ସ ଉପକରଣ ଓ ହୋମ୍ ଆପ୍ଲାୟାନ୍ସ ମଧ୍ୟ ଆଗାମୀ ଦିନରେ ଭାରତୀୟ ବଜାରରେ ଶସ୍ତା ହେବାର ସମ୍ଭାବନା ରହିଛି। ଶସ୍ତାରେ ହେବ ଏକ୍ସପୋର୍ଟ:ଏହି ଡିଲ୍ ଭାରତୀୟ ରପ୍ତାନିକାରୀଙ୍କ ପାଇଁ ମଧ୍ୟ ବଡ଼ ସୁଯୋଗ ନେଇଆସିଛି। ଟେକ୍ସଟାଇଲ୍ ଓ ପୋଷାକ, ମୂଲ୍ୟବାନ ପଥର ଓ ଗହଣା, ଷ୍ଟିଲ୍, କେମିକାଲ୍ ଏବଂ ଇଞ୍ଜିନିୟରିଂ ପ୍ରୋଡକ୍ଟ ଉପରେ ଆମେରିକାର ଟାରିଫ୍ ୫୦ ପ୍ରତିଶତରୁ କମି ୧୮ ପ୍ରତିଶତ ହୋଇଥିବାରୁ ଏହି ସେକ୍ଟରଗୁଡ଼ିକ ଆମେରିକୀୟ ବଜାରରେ ଅଧିକ ପ୍ରତିସ୍ପର୍ଧାମୂଳକ ହେବେ। ଭାରତରୁ ଅଲଗା ହେବା ପରେ, ୨୨୭ ଦିନ ପାଇଁ ଏକ… ସଞ୍ଜୁଙ୍କୁ ମିଳିବ ଆଉ ଗୋଟେ ଚାନ୍ସ, ନିଜକୁ… କଣ ହେବ ମହଙ୍ଗା:ଯଦିଓ ଅନେକ ସେକ୍ଟରକୁ ଆଶ୍ଵସ୍ତି ମିଳିଛି, କିନ୍ତୁ କିଛି ସାମଗ୍ରୀ ଉପରେ ଏପର୍ଯ୍ୟନ୍ତ ଉଚ୍ଚ ଟାରିଫ୍ ଲାଗୁ ରହିଛି। ଏଲୁମିନିୟମ୍ ଓ ତମ୍ବା ଉପରେ ପ୍ରାୟ ୫୦ ପ୍ରତିଶତ ଡ୍ୟୁଟି ଚାଲୁ ରହିଛି। ସେହିପରି କିଛି ଅଟୋ ପାର୍ଟସ୍ ଉପରେ ମଧ୍ୟ ୨୫ ପ୍ରତିଶତରୁ ଅଧିକ ଟାରିଫ୍ ରହିଛି । ଯେଉଁଥିପାଇଁ ଏସବୁ ସାମଗ୍ରୀ ଶସ୍ତା ହେବାର ଆଶା କମ୍ ଅଛି । ଭାରତ–ଆମେରିକା ଟ୍ରେଡ୍ ଡିଲ୍ ଦୁଇ ଦେଶର ଉପଭୋକ୍ତା ଓ ବ୍ୟବସାୟ ପାଇଁ ନୂଆ ସୁଯୋଗ ଖୋଲିଦେଇଛି ବୋଲି ବିଶେଷଜ୍ଞମାନେ ମନେ କରୁଛନ୍ତି।