Law & Crime News in ଓଡ଼ିଆ

Dharitri

Mar 20, 2026, 08:45 AM

ପ୍ରେମ ସମ୍ପର୍କ ବିବାଦକୁ ନେଇ ପୋଲିସ ଉପରେ ଅନ୍ୟାୟ ଅଭିଯୋଗ କରି ଭିଡିଓ ପୋଷ୍ଟ କରିବା ପରେ ବ୍ୟକ୍ତି ଆତ୍ମହତ୍ୟା କଲେ

ପୁରୁଣା ଭୁବନେଶ୍ୱର/ପିପିଲି, ୨୦ା୩ (ସୁବାସ ଚନ୍ଦ୍ର ପ୍ରଧାନ/ଦୁର୍ଗାମାଧବ ମିଶ୍ର):ଲିଭ୍‌ ଇନ୍‌ରେ ରହୁଥିବା ଯୁବତୀଙ୍କ ଅଭିଯୋଗ ଆଧାରରେ ଗିରଫ କରିବା ପାଇଁ ଘର ବାହାରେ ପୋଲିସ ଜଗିଥିଲା, ହେଲେ ଘର ଭିତରେ ଆତ୍ମହତ୍ୟା କରିଦେଲେ ଯୁବକ। ଗୁରୁବାର ପିପିଲି ଥାନା ଅଧୀନ ଗୁଡ଼ିଆପୋଖରୀ ଅଞ୍ଚଳରେ ଥିବା ଏକ ଆପାର୍ଟମେଣ୍ଟରେ ଏଭଳି ଏକ ଅଭାବନୀୟ ଘଟଣା ଘଟିଛି। ମୃତକହେଲେ କଟକ ମଧୁପଟଣା ଅଞ୍ଚଳର ସୁଧାଂଶୁ ଶେଖର ବେହେରା। ଆତ୍ମହତ୍ୟା ପୂର୍ବରୁ ସେ ଶେଷ ଭିଡିଓ ସୋସିଆଲ ମିଡିଆରେ ପୋଷ୍ଟ କରିବା ସହ ପୋଲିସ ନ୍ୟାୟ ଦେଇପାରିବ ନାହିଁ ବୋଲି ଉଲ୍ଲେଖ କରିଛନ୍ତି। ପ୍ରେମ ପ୍ରତାରଣାକୁ ନେଇ ସୁଧାଂଶୁ ଆତ୍ମହତ୍ୟା କରିଥିବା ପୋଲିସ କହିଛି।ପୋଲିସ ସୂଚନା ମୁତାବକ, ସୁଧାଂଶୁ ପିପିଲି ଅଞ୍ଚଳର ଜଣେ ଯୁବତୀଙ୍କୁ ପ୍ରେମ କରୁଥିଲେ। ଏପରିକି ଦୁହେଁ ଲିଭ ଇନ୍‌ରେ ରହିଆସୁଥିଲେ। ଯୁବତୀ ତାଙ୍କୁ ବିବାହ କରିବାକୁ କହି ୮ଲକ୍ଷ ଟଙ୍କା ଠକେଇ କରିନେଇଥିବା ସୁଧାଂଶୁ ଅଭିଯୋଗ କରିଥିଲେ। ଯୁବତୀଙ୍କ ବିରୋଧରେ ମାମଲା ଦାଏର କରିବା ପାଇଁ ସେ ପିପିଲି ଥାନାଠୁ ଆରମ୍ଭ କରି ଶହୀଦନଗର ଥାନା ପର୍ଯ୍ୟନ୍ତ ଦୌଡ଼ି ଦୌଡ଼ି ନିରାଶ ହୋଇଥିଲେ। ଯୁବତୀ ଜଣଙ୍କ ଓଲଟା ପିପିଲି ଥାନାରେ ସୁଧାଂଶୁଙ୍କ ନାମରେ ଏକ ମାମଲା ଓ ଭୁବନେଶ୍ୱର ମହିଳା ଥାନାରେ ଏକ ବଳାତ୍କାର ମାମଲା ରୁଜୁ କରି ଶୁଧାଂଶୁଙ୍କୁ ଛନ୍ଦି ଦେଇଥିଲେ। ବୁଧବାର ମହିଳା ଥାନା ପୋଲିସ ସୁଧାଂଶୁଙ୍କୁ ଗିରଫ କରିବା ପାଇଁ ସେ ରହୁଥିବା ଗୁଡ଼ିଆପୋଖରୀ ନିକଟ ଆପାର୍ଟମେଣ୍ଟକୁ ଯାଇଥିଲା। ତେବେ ପୋଲିସକୁ ଦେଖି ସେ ଘର ଭିତରେ କବାଟ କିଳି ଦେଇଥିଲେ। ‘ମୁଁ ନିର୍ଦ୍ଦୋଷ ମୋତେ ନ୍ୟାୟ ମିଳୁ ନଚେତ କବାଟ ଖୋଲିବି ନାହିଁ ବୋଲି କୁଆଡ଼େ କହିଥିଲେ। କିଛି ସମୟ ପରେ ପୋଲିସ କବାଟ ତାଡ଼ି ଦେଖିଲା ବେଳକୁ ସେ ଫାଶ ଲଗାଇ ଆତ୍ମହତ୍ୟା କରିଥିଲେ। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଏକ ମାମଲା (ନଂ. ୯/୨୬) ରୁଜୁ କରି ଘଟଣାର ଅନୁସନ୍ଧାନ ଚଳାଇଛି। ସେମାନେ ଲିଭ୍‌ ଇନ୍‌ରେ ରହିଆସୁଥିବାବେଳେ ଗତ ଜାନୁଆରୀରୁ ପରସ୍ପର ଅଲଗା ହୋଇ ରହୁଥିଲେ ବୋଲି ପିପିଲି ଥାନା ଆଇଆଇସି ସୌମେନ୍ଦ୍ର ଶେଖର ତ୍ରିପାଠୀ ସୂଚନା ଦେଇଛନ୍ତି।

98 shares

😢

Samaja

Mar 20, 2026, 06:11 AM

ବ୍ୟାଙ୍କ ଠକେଇ ମାମଲାରେ ଅନିଲ ଅମ୍ବାନୀଙ୍କୁ ପଚରାଉଚରା କଲା ସିବିଆଇ

ନୂଆଦିଲ୍ଲୀ: ବ୍ୟାଙ୍କ ଜାଲିଆତି ମାମଲାରେ ସିବିଆଇ ପକ୍ଷରୁ ଗୁରୁବାର ରିଲାଏନ୍ସ ଗ୍ରୁପ୍‌ ଅଧ୍ୟକ୍ଷ ଅନିଲ ଅମ୍ବାନୀଙ୍କୁ ଦୀର୍ଘ ୮ ଘଣ୍ଟା ଜେରା କରାଯାଇଛି। ଏହି ଅବସରରେ ସିବିଆଇ ଅଧିକାରୀମାନେ ଅନିଲଙ୍କ ବୟାନ ରେକର୍ଡ କରିଛନ୍ତି। ଆସନ୍ତାକାଲି (ଶୁକ୍ରବାର) ପୁଣି ସିବିଆଇ କାର୍ଯ୍ୟାଳୟରେ ହାଜର ହେବାକୁ ଅନିଲଙ୍କୁ ନିର୍ଦେଶ ଦିଆଯାଇଛି। ରିଲାଏନ୍ସ ଗ୍ରୁପ୍‌ର ବିଭିନ୍ନ ସହଯୋଗୀ କମ୍ପାନୀ ଏକାଧିକ ଜାତୀୟକରଣ ବ୍ୟାଙ୍କରୁ ମୋଟ ୧୯,୬୯୪ କୋଟି ଟଙ୍କା ଋଣ ନେଇଥିବାବେଳେ ଏହାକୁ ଅନ୍ୟତ୍ର ବିନିଯୋଗ କରିଥିବା ଅଭିଯୋଗ ହୋଇଛି। ଏଥିମଧ୍ୟରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆର ୨୯୨୯ କୋଟି ଟଙ୍କାର ଋଣ ସାମିଲ ଅଛି। ଇତିମଧ୍ୟରେ ସିବିଆଇ ଓ ପ୍ରବର୍ତ୍ତନ ନିର୍ଦେଶାଳୟ (ଇଡି) ପକ୍ଷରୁ ଅନିଲଙ୍କ ନାମରେ ମାମଲା ରୁଜୁ କରାଯାଇଥିବାବେଳେ ତାଙ୍କର ମୁମ୍ବଇସ୍ଥିତ ବାସଭବନ ଓ ଅନ୍ୟ ସହରରେ ଥିବା କାର୍ଯ୍ୟାଳୟ ଉପରେ ଚଢଉ ମଧ୍ୟ କରାଯାଇଛି। ଇଡି ପକ୍ଷରୁ ଅନିଲଙ୍କ ୧୧୦୦ କୋଟି ଟଙ୍କାର ସମ୍ପତ୍ତି ଜବତ କରାଯାଇସାରିଛି।

27 shares

😢

Prameya

Mar 19, 2026, 02:07 PM

କୋଲକାତାର ମେଡ଼ିକାଲ କଲେଜ ଓ ଡାକ୍ତରଖାନାରେ ଜୁନିୟର ଡାକ୍ତରଙ୍କୁ ଗଣଦୁଷ୍କର୍ମ ଓ ହତ୍ୟା

କୋଲକାତା,୧୯।୩: କୋଲକାତା ଆରଜିକର ମେଡିକାଲ କଲେଜ ଓ ହସ୍ପିଟାଲର ଜୁନିଅର ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣା ପୁରା ଦେଶକୁ ସ୍ତବ୍ଧ କରିଦେଇଥିଲା। ଏହାକୁ ନେଇ ଆରମ୍ଭ ହୋଇଥିଲା ହଙ୍ଗାମା। ଦୀର୍ଘ ଦିନର ଆନ୍ଦୋଳନରେ ଯୋଗ ଦେଇଥିଲେ ଦେଶସାରାର ଡାକ୍ତର। ଏବେ ବି ପୀଡିତାଙ୍କ ପରିବାର ସରକାରଙ୍କ କାର୍ଯ୍ୟାନୁଷ୍ଠାନକୁ ନେଇ ସନ୍ତୁଷ୍ଟ ନୁହଁନ୍ତି। ଏହା ଭିତରେ ପୀଡିତାଙ୍କ ମା’ ପଶ୍ଚିମବଙ୍ଗରେ ହେବାକୁ ଥିବା ବିଧାନସଭା ନିର୍ବାଚନ ଲଢିପାରନ୍ତି। ଗୁରୁବାର ପୀଡିତାଙ୍କ ମା’ ବିଜେପି ଟିକେଟରୁ ନିର୍ବାଚନ ଲଢିବାକୁ ଇଛା ପ୍ରକାଶ କରିଛନ୍ତି। ବିଜେପି ତାଙ୍କୁ ପାନିହାଟି ବିଧାନସଭା ଆସନରୁ ପ୍ରାର୍ଥୀ ଘୋଷଣା କରିପାରେ। ଗୁରୁବାର ବିଜେପି ନିଜର ଦ୍ବିତୀୟ ପ୍ରାର୍ଥୀ ତାଲିକା ଘୋଷଣା କରିଛି। ଏଥିରେ ୧୧୧ ପ୍ରାର୍ଥୀଙ୍କ ଭିତରେ ୨୦ ଜଣ ମହିଳା ରହିଛନ୍ତି। ତେବେପାନିହାଟିରୁ ବର୍ତ୍ତମାନ କୌଣସି ପ୍ରାର୍ଥୀଙ୍କ ନାଁ ଆଜି ଘୋଷଣା ହୋଇନି। ଆରଜିକର ପୀଡିତାଙ୍କ ମା’ କହିଛନ୍ତି, ଏହା ଶେଷ ମୁହୂର୍ତ୍ତରେ ନିଆଯାଇଥିବା ନିଷ୍ପତ୍ତି ନୁହେଁ। ବିଜେପି ପକ୍ଷରୁ ମୋତେ ବହୁତ ଆଗରୁ ନିର୍ବାଚନ ଲଢିବାକୁ ପ୍ରସ୍ତାବ ଦିଆଯାଇଛି। କିନ୍ତୁ ସେତେବେଳେ ମୁଁ ପ୍ରସ୍ତୁତ ନଥିଲି। ଏବେ ବୁଝି ଯାଇଛି ପଶ୍ଚିମବଙ୍ଗର ଚାରିଆଡେ ଭ୍ରଷ୍ଟାଚାର ବ୍ୟାପି ରହିଛି। ମହିଳାଙ୍କ ସୁରକ୍ଷା ପାଇଁ ଓ ଟିଏମସିକୁ କ୍ଷମତାରୁ ବାହାର କରିବାକୁ ବିଜେପିରେ ସାମିଲ ହୋଇଛି।’ ପୀଡିତାଙ୍କ ମା’ ଆହୁରି କହିଛନ୍ତି ଯେ, ତାଙ୍କୁ ନିର୍ବାଚନ ଲଢିବାକୁ ବହୁ ଦଳ ଅଫର ଦେଇଥିଲେ, କିନ୍ତୁ ସେ ବିଜେପି ସହ ଯିବାକୁ ଚାହାଁନ୍ତି। ସେ ଆରଜି କର ମାମଲାରେ ସିବିଆଇ ତଦନ୍ତକୁ ନେଇ ମଧ୍ୟ ଅସନ୍ତୋଷ ବ୍ୟକ୍ତ କରିଛନ୍ତି। ସେ କହିଛନ୍ତି ଠିକ୍ ଭାବରେ କାମ ହୋଇନି। ମୁଁ ଚାହୁଁନି ମୋ ଝିଅ ସହ ଯାହା ହେଲା ତାହା ଅନ୍ୟ ମହିଳା କିମ୍ବା ଝିଅଙ୍କ ସହ ନହେଉ। ନିକଟରେ ବିଜେପି ନେତା ଅର୍ଜୁନ ସିଂହ ପୀଡିତାଙ୍କ ପରିବାରକୁ ଭେଟିଥିଲେ। ଉଲ୍ଳେଖନୀୟ ଯେ,ଅଗଷ୍ଟ ୨୦୨୪ ରେ ପଶ୍ଚିମବଙ୍ଗରେ ସେତେବେଳେ ଆକ୍ରୋଶ ଦେଖିବାକୁ ମିଳିଥିଲା।ଯେତେବେଳେ ୩୧ ବର୍ଷୀୟ ମହିଳା ଡାକ୍ତରଙ୍କୁ ଆରଜି କର ମେଡିକାଲ କଲେଜରେ ଦୁଷ୍କର୍ମ ସହ ହତ୍ୟା କରାଯାଇଥିଲା। ଡାକ୍ତରଙ୍କଠାରୁ ସାଧାରଣ ଜନତା ବହୁ ଦିନ ପର୍ଯ୍ୟନ୍ତ ବିରୋଧ ପ୍ରଦର୍ଶନ କରିଥିଲେ। ଆହୁରି ପଢନ୍ତୁ :୭୦ ବର୍ଷୀୟ ଓକିଲଙ୍କୁ ବାହାହେବାର ଲୋଭ ଦେଖାଇ ଚୂନ ଲଗାଇଲେ ସାଇବର ଠକ

89 shares

😢

Prameya

Mar 19, 2026, 10:43 AM

ଗୁଜୁରାଟରେ ବୈବାହିକ ସମ୍ପର୍କ ଆବିଷ୍କାର କରିବା ପରେ ସ୍ୱାମୀଙ୍କ ହତ୍ୟା ଅଭିଯୋଗରେ ମହିଳା ଗିରଫ

ନୂଆଦିଲ୍ଲୀ : ସ୍ବାମୀ ହେଲା ପର, ପ୍ରେମିକ ନିଜର । ନିଜର ଖରାପ ସମ୍ପର୍କ ପାଇଁ ସ୍ବାମୀକୁ ମାରିଦେଲା ସ୍ତ୍ରୀ । ଯାହାଙ୍କ ହାତ ଧରି ଅଗ୍ନିକୁ ସାକ୍ଷୀ ରଖି ବାହା ହୋଇଥିଲେ ତାଙ୍କୁ ହତ୍ୟା କରିବାକୁ ମଧ୍ୟ ପଛାଇଲେନି । ଗୁଜୁରାଟରୁ ଆସିଛି ଏଭଳି ଏକ ନିର୍ମମ ହତ୍ୟାକାଣ୍ଡ ଘଟଣା । ଯେଉଁ ଘଟଣାରେ ମହିଳାଙ୍କ ସହ ତାଙ୍କ ଭଉଣୀ ଏବଂ ପ୍ରେମିକଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ତେବେ ମୃତକଙ୍କ ପରିବାରକୁ ଉଚିତ୍ ନ୍ୟାୟ ପାଇଁ ଦାବି କରାଯାଇଥିବାବେଳେ ପୁଲିସ ଘଟଣାର ତଦନ୍ତ ଆରମ୍ଭ କରିଛି । ମିଳିଥିବା ଖବର ଅନୁସାରେ, ମହିଳାଙ୍କ ସମ୍ପର୍କରେ ସେହି ଗ୍ରାମର ଜଣେ ଯୁବକଙ୍କ ସହ ରହିଥିଲା । ଦୀର୍ଘଦିନ ଧରି ଏଭଳି ଅବୈଧ ସମ୍ପର୍କ ରଖିଥିବାବେଳେ ତାଙ୍କ ସ୍ବାମୀ ଏହାକୁ ବିରୋଧ କରୁଥିଲେ । ଯେଉଁ କାରଣରୁ ରାସ୍ତାରୁ ହଟାଇବା ପାଇଁ ଯୋଜନା ପ୍ରସ୍ତୁତ କରିଥିଲେ । ରାତିରେ ସ୍ବାମୀଙ୍କ ଖାଇବା ଦେଇଥିବାବେଳେ ଏଥିରେ ନିଶା ମେଡିସିନ ଦେଇଥିଲେ । ଯେତେବେଳେ ସ୍ବାମୀ ଗଭୀର ନିଦରେ ଶୋଇଥିଲେ ପ୍ରେମିକକୁ ଏକ କୁରାଢ଼ି ଦେଇଥିଲେ ଆଉ ସେ ହତ୍ୟା କରିଥିଲେ । ଯେଉଥିରେ ତାଙ୍କ ଉଭଣୀ ମଧ୍ୟ ସମ୍ପୃକ୍ତି ରହିଥିବା ଅଭିଯୋଗ ହୋଇଛି । ପ୍ରଥମେ ସେମାନେ ମୃତଦେହକୁ ଲୁଚାଇବା ପାଇଁ ପ୍ରୟାସ କରିଥିଲେ । ମାତ୍ର ଏଥିରେ ବିଫଳ ହୋଇଥିଲେ । ପରେ ସେମାନେ ପୁଣି ମୃତଦେହକୁ ବେଡ ଉପରେ ରଖିଥିଲେ । ଆଉ କେହି ହତ୍ୟା କରି ଚାଲିଯାଇଥିବା ନେଇ ପୁଲିସରେ ଅଭିଯୋଗ କରିଥିଲେ । ପୁଲିସ ଘଟଣାର ତଦନ୍ତ କରିଥିବାବେଳେ ଅଭିଯୁକ୍ତଙ୍କୁ ଧରିବାରେ ସଫଳ ହୋଇଥିଲା । ଏବେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି ।

92 shares

😢

Sambad

Mar 19, 2026, 06:35 AM

5. 56 କୋଟି ଟଙ୍କା ଠକେଇ ମାମଲାରେ ଅବସରପ୍ରାପ୍ତ ପ୍ରଧାନଶିକ୍ଷକ ଓ ତାଙ୍କ ପତ୍ନୀଙ୍କୁ ଗିରଫ କଲା ଓଡ଼ିଶା ଭିଜିଲେନ୍ସ

ଭୁବନେଶ୍ୱର: ୫.୫୬ କୋଟି ଟଙ୍କା ହେରଫେର ଘଟଣାରେ ମୁଖ୍ୟ ଅଭିଯୁକ୍ତ, ଅବସରପ୍ରାପ୍ତ ପ୍ରଧାନ ଶିକ୍ଷକ ପ୍ରଦୀପ କୁମାର ମହାନ୍ତି ଗିରଫ ହୋଇଛନ୍ତି | ଆଜି ସକାଳେ ଭିଜିଲାନ୍ସ ଟିମ ତାଙ୍କୁ ଗିରଫ କରିଛି | ଅବସରପ୍ରାପ୍ତ ଅଧିକାରୀ, ତାଙ୍କ ପତ୍ନୀ ଗୀତାରାଣୀ ମହାନ୍ତିଙ୍କ ସହ ଫେରାର ହୋଇଯାଇଥିବାବେଳେ ଓଡ଼ିଶା ଏବଂ ପଶ୍ଚିମବଙ୍ଗରେ ସ୍ଥାନ ପରିବର୍ତ୍ତନ କରୁଥିଲେ | ସେମାନେ ଶେଷ ଥର ପାଇଁ କୋଲକାତାରେ ଲୁଚି ରହିଥିବା ସନ୍ଦେହ କରାଯାଇଥିଲା, ତେଣୁ ଓଡ଼ିଶା ଭିଜିଲାନ୍ସର ଏକ ଦଳ କୋଲକାତାରେ ସନ୍ଦିଗ୍ଧ ଆଡ୍ଡାଗୁଡ଼ିକରେ ଚଢାଉ କରିଥିଲା। ଏନେଇ ପ୍ରଦୀପ ମହାନ୍ତି ଜାଣିବା ପରେ ଦୁହେଁ ଗତକାଲି ରାତିରେ କୋଲକାତା ଛାଡି ଭଦ୍ରକର ଚରମ୍ପାସ୍ଥିତ ଏକ ହୋଟେଲରେ ଲୁଚି ରହିଥିଲେ | ଯେଉଁଠାରୁ ଆଜି ଭୋର ସମୟରେ ସେମାନଙ୍କୁ ଗିରଫ କରାଯାଇଥିଲା। ବର୍ତ୍ତମାନ ସେମାନଙ୍କୁ ଏହି ମାମଲାରେ ପଚରାଉଚରା କରାଯାଉଛି। ଉଲ୍ଲେଖ ଥାଉ କି, ଓଡ଼ିଶା ଭିଜିଲାନ୍ସ ତଦନ୍ତ ସମୟରେ ଜାଣିବାକୁ ପାଇଥିଲା ଯେ, ଅଭିଯୁକ୍ତଙ୍କୁ ତାଙ୍କର ପିତା ତଥା ଅବସରପ୍ରାପ୍ତ ଶିକ୍ଷକ ପ୍ରଦୀପ କୁମାର ମହାନ୍ତି ସହଯୋଗ କରିଥିଲେ। ପ୍ରଦୀପ କୁମାର ମହାନ୍ତି ମାନବ ସମ୍ବଳ ପରିଚାଳନା ପ୍ରଣାଳୀ (ଏଚ୍‌ଏମ୍‌ଆରଏସ୍‌)କୁ ବେଆଇନ ଭାବରେ ପ୍ରବେଶ କରିଥିଲେ। ଆହୁରି ପଢନ୍ତୁ:Russia informed NIA: ଆମେରିକୀୟ ନାଗରିକ ଏବଂ ଛଅ ଜଣ ୟୁକ୍ରେନୀୟ ଗିରଫ ମାମଲା; ଏନ୍‌ଆଇଏକୁ ସୂଚନା ଦେଇଥିଲା ରୁଷ ସେ ୧୩ ଜଣ ଅବସରପ୍ରାପ୍ତ ଶିକ୍ଷକ (ପେନ୍‌ସନ୍‌ଭୋଗୀ)ଙ୍କ ପରିଚୟପତ୍ରକୁ ଟାର୍ଗେଟ କରିଥିଲେ। ଏହି ଅବସରପ୍ରାପ୍ତମାନଙ୍କୁ ଚାକିରିରେ ‘ସକ୍ରିୟ’ ଭାବରେ ଦେଖାଇବା ପାଇଁ ଜାଲିଆତି କରି ସେ ସେମାନଙ୍କ ନାମରେ ମାସିକ ପେନସନ ବିଲ୍ ପ୍ରସ୍ତୁତ କରିଥିଲେ। ଭିଜିଲାନ୍ସ ବିଭାଗ ଜାଣିବାକୁ ପାଇଥିଲା ଯେ, ନଭେମ୍ବର ୨୦୧୮ରୁ ସେପ୍ଟେମ୍ବର ୨୦୨୪ ପର୍ଯ୍ୟନ୍ତ ପ୍ରାୟ ଛଅ ବର୍ଷ ଧରି ଠକେଇ କରିଥିଲେ। ଗତକାଲି ଭିଜିଲାନ୍ସ ଆଇପିସିର ଧାରା ଅନୁଯାୟୀ ମାତୃପ୍ରସାଦ ମହାନ୍ତିଙ୍କୁ ଗିରଫ କରାଯାଇଥିବାବେଳେ ଆଜି ତାଙ୍କ ବାପା-ମାଙ୍କୁ ଗିରଫ କରିଛି |

88 shares

😢

Dharitri

Mar 19, 2026, 05:05 AM

ବାଲେଶ୍ୱର ଜିଲ୍ଲାରେ ଶୋଇଥିବା ବେଳେ ନଗଦ ଟଙ୍କା ଓ ସୁନା ଅଳଙ୍କାର ଲୁଟି ନେଲେ ପରିବାର

ସିମୁଳିଆ,୧୯।୩(ସନ୍ତୋଷ କୁମାର ନାୟକ) ବାଲେଶ୍ୱର ଜିଲା ଖଇରା ବ୍ଲକ ସିମୁଳିଆ ଥାନା ଅଧୀନ ଭୁଗୁପୁର ଶାସନରେ କୃଷ୍ଣ ଚନ୍ଦ୍ର ଉପାଧ୍ୟାୟ ଓ ଚକ୍ରଧର ଉପାଧ୍ୟାୟଙ୍କ ପରିବାର ଶୋଇଥିବାବେଳେ ଦୁବୃର୍ତ୍ତମାନେ ତାଙ୍କ ଘରେ ପଶି ଟଙ୍କା ଓ ସୁନା ରୁପା ଅଳଙ୍କାର ଲୁଟ କରିଥିବା ନେଇ ଅଭିଯୋଗ ହୋଇଛି l ଗତକାଲି ବିଳମ୍ବିତ ରାତିରେ ଦୁଇଟି ପରିବାର ତାଙ୍କ ଘରେ ଶୋଇଥିବା ଘର ବାହାର ପଟୁ ଦୃବୁର୍ତ୍ତ ତାଲା ପକାଇ ଅନ୍ୟ ଘର ଥିବା ଆଟାଚରୁ ଘର କାମ ପାଇଁ ରଖିଥିବା ୯୫ ହଜାର ଟଙ୍କା ଓ ୧ ଲକ୍ଷ ଟଙ୍କାର ସୁନା ରୁପା ଅଳଙ୍କାର ଲୁଟ କରିଥିଲେ lସେହିପରି ଅନ୍ୟ ଏକ ଘରେ ପଶି ଧାନ ବିକ୍ରି କରି ରଖିଥିବା ୪୫ ହଜାର ଟଙ୍କା ଲୁଟ କରି ଫେରାର ହୋଇଯାଇଥିବା ବେଳେ ଭୁଗୁପୁର ସଂଲଗ୍ନ ପାଇକାଳପୁର ଗ୍ରାମର ସୁକାନ୍ତ ସାହୁଙ୍କ ଦୋକାନ ଭାଙ୍ଗି ନଗଦ ୮ ହଜାର ଓ ଅନ୍ୟାନ୍ୟ ଗ୍ରୋସରୀ ସାମଗ୍ରୀ ଚୋରାଇ ନେଇଛନ୍ତି। ସିମୁଳିଆ ପୋଲିସ ଖବର ପାଇ ତଦନ୍ତ ଆରମ୍ଭ କରିଛି l

16 shares

😢

Sambad

Mar 19, 2026, 03:11 AM

ରୌରକେଲା ପକ୍ସୋ କୋର୍ଟ ନାବାଳକ ବାଳିକାକୁ ଅସଦାଚରଣ କରିଥିବା ବ୍ୟକ୍ତିଙ୍କୁ 4 ବର୍ଷ ଜେଲ୍ ଦଣ୍ଡାଦେଶ ଦେଇଛନ୍ତି

ରାଉରକେଲା: ରାତି ଅଧରେ ଘରେ ପଶି ନାବାଳିକାଙ୍କୁ ଅସଦାଚରଣ କରିବା ମାମଲାର ରାୟ ପ୍ରକାଶ ପାଇଛି। ରାଉରକେଲା ପୋକ୍‌ସୋ କୋର୍ଟର ବିଚାରପତି ପି. ସୂର୍ଯ୍ୟା ରାଓ ଅଭିଯୁକ୍ତକୁ ୪ ବର୍ଷ ଜେଲ୍‌ ସହ ୫ ଶହ ଟଙ୍କା ଜରିମାନାରେ ଦଣ୍ଡିତ କରିଛନ୍ତି। ଜରିମାନା ଅନାଦେୟ ଅଧିକ ୧୫ ଦିନ ଜେଲ୍‌ ଶୁଣାଇଛନ୍ତି। ୧୦ ସାକ୍ଷୀଙ୍କ ସାକ୍ଷ୍ୟପ୍ରମାଣ, ୧୫ ଦସ୍ତାବିଜ୍‌, ସରକାରୀ ଓକିଲଙ୍କ ବଳିଷ୍ଠ ଯୁକ୍ତିପ୍ରମାଣ ଆଧାରରେ ବିଚାରପତି ଶ୍ରୀ ରାଓ ଏହି ରାୟ ଶୁଣାଇନ୍ତି। ପୀଡିତାଙ୍କୁ ୪ ଲକ୍ଷ ଟଙ୍କା କ୍ଷତିପୂରଣ ଦେବାକୁଜିଲ୍ଲାଆଇନସେବା କମିଟିକୁ ନିର୍ଦ୍ଦେଶ ଦେଇଛନ୍ତି। ଗିରଫ ଅଭିଯୁକ୍ତ ହେଲେ ଗୋପବନ୍ଧୁପାଲିର ଆଡ୍ଲାଉଦ୍ଦିନ ଅନ୍‌ସାରୀ ଓରଫ ଗୁଡୁ। ଗତ ୨୦୨୦ ‌ସେପ୍ଟେମ୍ବର ୧୧ରେ ଏହି ଅଭାବନୀୟ ଘଟଣା ଘଟିଥିଲା। ପୀଡିତାଙ୍କୁ ଏକାକୀ ଥିବା ସୁଯୋଗ ନେଇ ରାତି ପ୍ରାୟ ୧୨ଟାରେ ଅଭିଯୁକ୍ତ ଗୁଡୁ ଘରକୁ ଜୋରଜବରଦସ୍ତ ପଶିଥିଲା। ପୀଡିତାଙ୍କୁ ଅସଦାଚରଣ କରି ଘଟଣାସ୍ଥଳରୁ ଫେରାର ହୋଇଯାଇଥିଲା। ପୀଡିତାଙ୍କ ଲିଖିତ ଅଭିଯୋଗ ଆଧାରରେ ପ୍ଲାଣ୍ଟସାଇଟ୍‌ ପୁଲିସ ଅଭିଯୁକ୍ତ ଗୁଡୁକୁ ଗିରଫ କରି କୋର୍ଟ ଚାଲାଣ କରିଥିଲା।

68 shares

😢

Sambad

Mar 18, 2026, 10:17 PM

ବେଆଇନ କାର୍ଯ୍ୟ କରିବାକୁ ମନା କରିବାରୁ ସରକାରୀ କାର୍ଯ୍ୟାଳୟରେ ରାଜସ୍ୱ ଇନ୍ସପେକ୍ଟରଙ୍କୁ ମାଡ଼

ଚାନ୍ଦବାଲି: ବେଆଇନ କାର୍ଯ୍ୟ ନ କରିବାରୁ ଜଣେ ରାଜସ୍ବ ନିରୀକ୍ଷକଙ୍କୁ ସରକାରୀ କାର୍ଯ୍ୟାଳୟ ଭିତରୁ ଘୋଷାରି ନେଇ ପିଟିଛନ୍ତି। ସର୍ବସମ୍ମୁଖରେ ଆର୍‌ଆଇଙ୍କୁ ଆଖିବୁଜା ମାଡ଼ ହୋଇଛି।ଭଦ୍ରକଜିଲ୍ଲାଚାନ୍ଦବାଲି ତହସିଲ ଅଧୀନସ୍ଥ ସାରଣା ରାଜସ୍ବ ନିରୀକ୍ଷକ କାର୍ଯ୍ୟାଳୟରେ ଘଟିଥିବା ଏହି ଘଟଣାର ଦୃଶ୍ୟ ସିସିଟିଭି କ୍ୟାମେରାରେ ରେକର୍ଡ ହୋଇଛି। ସୂଚନା ଅନୁସାରେ, ସାରଣା ଆର୍‌ଆଇ ତାପସ ରଞ୍ଜନ ଜେନା ଅଫିସରେ କାର୍ଯ୍ୟ କରୁଥିବା ସମୟରେ ଭୂଇଁବୃତ୍ତି ପଞ୍ଚାୟତ ଜଗନ୍ନାଥପୁର ଗ୍ରାମର ସର୍ବେଶ୍ୱର ଦାସଙ୍କ ପୁଅ ସୁବାସ ଦାସ ଅଫିସକୁ ଯାଇ କିଛି କାର୍ଯ୍ୟ କରିବା ପାଇଁ କହିଥିଲେ। କିନ୍ତୁ ଏହା ବେଆଇନ କାମ ହୋଇଥିବାରୁ ଆର୍‌ଆଇ ଶ୍ରୀ ଜେନା କରିବାକୁ ମନା କରିଥିଲେ। Cricket: ଓସିଏ କ୍ଲବ୍‌ ଲିଗ୍‌: ଆଦିତ୍ୟ, ଶୁବାଶିଷଙ୍କ ଶତକ; ଶୁଭମଙ୍କୁ ୫ୱିକେଟ୍‌ ଏଥିରେ ଉତ୍‌କ୍ଷିପ୍ତ ହୋଇ ସୁବାସ ତାଙ୍କୁ ଅତର୍କିତ ଆକ୍ରମଣ କରିବା ସହ ଘୋଷାରି ନେଇ ପିଟିଥିଲେ। ଫଳରେ ଶ୍ରୀ ଜେନା ଗୁରୁତର ହୋଇଛନ୍ତି। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଚାନ୍ଦବାଲି ଡାକ୍ତରଖାନାରେ ଭର୍ତ୍ତି କରିଥିଲେ। ପରବର୍ତ୍ତୀ ସମୟରେ ଆର୍‌ଆଇ ଶ୍ରୀ ଜେନା ଚାନ୍ଦବାଲି ଥାନା ଓ ତହସିଲଦାରଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି। ପୁଲିସ ସାରଣା ଆର୍‌ଆଇଅଫିସରେ ପହଞ୍ଚି ତଦନ୍ତ କରିଛି। ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚାନ୍ଦବାଲି ଆଇଆଇସି ପରେଶ ମହାନ୍ତି କହିଛନ୍ତି। ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ଚାନ୍ଦବାଲି ତହସିଲଦାର ଭବତୋଷ ମଲ୍ଲିକ କହିଛନ୍ତି। Firewood: ଜାଳେଣି କାଠ ଉପରେ ୮୦ ପ୍ରତିଶତ ଆଦିବାସୀ ନିର୍ଭରଶିଳ

40 shares

😢

Sambad

Mar 18, 2026, 09:38 PM

ନବରଙ୍ଗପୁର ହତ୍ୟାକାଣ୍ଡ ତଦନ୍ତରେ ତ୍ରୁଟି ପଦାକୁ ଆସିଲା, ନାବାଳକ ଜେଲରୁ ମୁକୁଳିଲା

ନବରଙ୍ଗପୁର: ଏକ ହତ୍ୟା ମାମଲାର ତଦନ୍ତ ସମୟରେ ଗୁରୁତର ତ୍ରୁଟି କରିଛି ନବରଙ୍ଗପୁରଜିଲ୍ଲାମୈଦଲପୁର ଥାନାପୁଲିସ। ଏତଲାରେ ବୟସ ଭୁଲ୍‌ ଉଲ୍ଲେଖ କରି ନାବାଳକ ଅଭିଯୁକ୍ତକୁ ସାବାଳକ ଦର୍ଶାଇ ଅନ୍ୟ ଅଭିଯୁକ୍ତଙ୍କ ସହ କୋର୍ଟଚାଲାଣ କରିବାରୁ ୨୦ ଦିନ ଜେଲ୍‌ କୋଠରିରେ ରହିବାକୁ ପଡ଼ିଛି ନାବାଳକକୁ। ଜିଲ୍ଲା ଆଇନସେବା ପ୍ରାଧିକରଣ ଓ ଜିଲ୍ଲା ଶିଶୁ ସୁରକ୍ଷା ୟୁନିଟ୍‌ର ହସ୍ତକ୍ଷେପ ପରେ ନାବାଳକକୁ ଜେଲ୍‌ରୁ ବାହାର କରାଯାଇ ଭବାନୀପାଟଣା ବାଳ ସ୍ବଧାରଗୃହକୁ ପଠାଯାଇଥିବା ନବରଙ୍ଗପୁର ଉପକାରାଗାର ଅଧୀକ୍ଷକ ଦେବେନ୍ଦ୍ର ଥାଟି କହିଛନ୍ତି। Jail DG gets: ରାଗିଗଲେ ଜେଲ୍‌ ଡିଜି, ଖୋଲିଦେଲେ ଗୁମର ଗତ ଫେବ୍ରୁଆରି ୨୨ ତାରିଖରେ ମୈଦଲପୁର ଥାନା ଅଞ୍ଚଳରେ ପୂର୍ବ ଶତ୍ରୁତାକୁ ନେଇ ଏକ ହତ୍ୟାକାଣ୍ଡ ଘଟିଥିଲା। ଘଟଣାର ତଦନ୍ତ କରି ପୁଲିସ ନାବାଳକ ସହ ତାଙ୍କ ପରିବାରର ୭ ଜଣ ଓ ଅନ୍ୟ ୩ ଜଣଙ୍କୁ ଥାନାକୁ ଉଠାଇ ଆଣି ୨୪ ତାରିଖରେ କୋର୍ଟଚାଲାଣ କରିଥିଲା। ଗିରଫ ହେବା ଦିନଠାରୁ ମାର୍ଚ୍ଚ ୧୬ ତାରିଖ ପର୍ଯ୍ୟନ୍ତ ନବରଙ୍ଗପୁର ଉପକାରାଗାରର ଗୋଟିଏ ୱାର୍ଡରେ ୨୮ ଅନ୍ତେବାସୀଙ୍କ ସହ ନାବାଳକଜଣକ ରହିଥିଲେ। ମାର୍ଚ୍ଚ ୫ରେ ଜିଲ୍ଲା ଆଇନସେବା ପ୍ରାଧିକରଣର ଭାରପ୍ରାପ୍ତ ସଚିବ ତଥା ରେଜିଷ୍ଟ୍ରାର ଶାଶ୍ବତୀ ମିଶ୍ର, ଜିଲ୍ଲା ଶିଶୁ ସୁରକ୍ଷା ୟୁନିଟ୍‌ର ଆଇନ ପରାମର୍ଶଦାତା ଜେଲ୍‌ ପରିଦର୍ଶନରେ ଯାଇଥିଲେ। ସେଠାରେ ନାବାଳକଙ୍କ ସହ ଆଲୋଚନା ବେଳେ ତାର ବୟସ ଓ ଅପରାଧ ସଂପର୍କରେ ଜାଣିବାକୁ ପାଇଥିଲେ। ନାବାଳକ ୨୦୦୯ରେ ଜନ୍ମ ହୋଇଥିବା କହିବା ପରେ ୧୭ ବର୍ଷ ବୟସରେ ପୁଲିସ ଜେଲ୍‌ ପଠାଇଥିବା ଡିଏଲ୍‌ଏସ୍‌ଏର ଭାରପ୍ରାପ୍ତ ସଚିବ ଜିଲ୍ଲା ଦୌରାଜଜଙ୍କୁ ଅବଗତ କରିଥିଲେ। Conspiracy going on in jail to kill Imran Khan: ଇମ୍ରାନ ଖାନଙ୍କୁ ମାରିବା ପାଇଁ ଜେଲରେ ଚାଲିଛି ଷଡ଼ଯନ୍ତ୍ର, ଭଉଣୀ ଆଣିଲେ ଅଭିଯୋଗ ବୟସ ତ୍ରୁଟି, ୨୮ କଏଦୀଙ୍କ ସହ ଗୋଟିଏ ସେଲ୍‌ରେନ୍ୟାୟ ପାଇଁ ହାଇକୋର୍ଟରେ ଜନସ୍ବାର୍ଥ ମାମଲା ହେବ ଜିଲ୍ଲା ଦୌରାଜଜ୍‌ଙ୍କ ନିର୍ଦ୍ଦେଶକ୍ରମେ ନାବାଳକର ପରିବାରବର୍ଗ ସ୍କୁଲ୍‌ ପ୍ରମାଣପତ୍ର ଉପକାରାଗାର ଓ ଜୁଭେନାଇଲ୍ ଜଷ୍ଟିସ୍‌ ବୋର୍ଡରେ ଦାଖଲ କରିଥିଲେ।ସ୍କୁଲପ୍ରମାଣପତ୍ର ଦେଖିବା ପରେ ନାବାଳକଙ୍କୁ ତୁରନ୍ତ ଜେଲ୍‌ କୋଠରିରୁ ବାହାର କରାଯାଇ ବାଳ ସ୍ବଧାରଗୃହକୁ ପଠାଯାଇଛି। ଏ ନେଇ ମୈଦଲପୁର ଥାନା ଅଧିକାରୀ ଯୁଗଳ କିଶୋର ଶବର କହିଛନ୍ତି, ନାବାଳକ ସ୍କୁଲରେ ପଢ଼ୁଥିବା ଆଡମିସନ୍ ରେଜିଷ୍ଟରରେ ଜନ୍ମ ୨୦୦୪ ଉଲ୍ଲେଖ ଥିଲା। ପୁଲିସ ନାବାଳକକୁ କୋର୍ଟଚାଲାଣ ପୂର୍ବରୁ ଆବଶ୍ୟକ ଯାଞ୍ଚ ଓ ପ୍ରମାଣପତ୍ର ସଂଗ୍ରହ କରିବାର ଥିଲା ବୋଲି କହିଛନ୍ତି ସରକାରୀ ଓକିଲ ଝାଡେଶ୍ବର ଖାଡ଼ଙ୍ଗା। ଏଭଳି ଘଟଣା ପାଇଁ ପୁଲିସ କାହିଁକି ଦାୟୀ ହେବେ ନାହିଁ ବୋଲି ସେ ପ୍ରଶ୍ନ କରିଛନ୍ତି। ନ୍ୟାୟ ଓ ଅନୁକମ୍ପାମୂଳକ କ୍ଷତିପୂରଣ ପାଇଁ ହାଇକୋର୍ଟରେ ଜନସ୍ବାର୍ଥ ମାମଲା ରୁଜୁ କରାଯିବ ବୋଲି କହିଛନ୍ତି। ଉପଯୁକ୍ତ ତଦନ୍ତ ନ କରି ଜଣେ ନାବାଳକଙ୍କୁ ବାଳ ସ୍ବଧାରଗୃହକୁ ନେବା ବଦଳରେ କାରାଗାରକୁ ପଠାଇବା ମାନବାଧିକାରର କ୍ଷୁଣ୍ଣ ବୋଲି ଆଇନଜୀବୀ ସନ୍ତୋଷ ମିଶ୍ର କହିଛନ୍ତି। ମାମଲା କୋର୍ଟରେ ବିଚାରାଧୀନ ଥିବାରୁ କୋର୍ଟ ହିଁ ନାବାଳକଙ୍କୁ ଉପଯୁକ୍ତ ନ୍ୟାୟ ଦେଇପାରିବେ ବୋଲି ଶ୍ରୀ ମିଶ୍ର କହିଛନ୍ତି।

39 shares

😢

Sambad

Mar 18, 2026, 03:16 PM

ମୃତ ମଇଁଷି ପ୍ରଦର୍ଶନ ଉପରେ କ୍ଷତିପୂରଣ ଆବେଦନ ଖାରଜ କଲେ ମଧ୍ୟପ୍ରଦେଶ ହାଇକୋର୍ଟ

ଭୋପାଳ: ମଧ୍ୟପ୍ରଦେଶ ହାଇକୋର୍ଟ ଗତ ସୋମବାର (ମାର୍ଚ୍ଚ ୯) ଏକ ମୃତଭ୍ରୁଣକୁ କୋର୍ଟ ପରିସରକୁ ଆଣିଥିବାରୁ ଆବେଦନକାରୀଙ୍କ ବିରୋଧରେ ତୀବ୍ର ମନ୍ତବ୍ୟ ଦେଇ ୨୦୦ କୋଟି ଟଙ୍କାର କ୍ଷତିପୂରଣ ଆବେଦନକୁ ଖାରଜ କରିଦେଇଛନ୍ତି। କୋର୍ଟ ସ୍ପଷ୍ଟ କରିଛନ୍ତି ଯେ, ନ୍ୟାୟିକ ପ୍ରକ୍ରିୟାକୁ ଭାବପ୍ରବଣ ପ୍ରଦର୍ଶନ ପାଇଁ ଏକ ପ୍ଲାଟଫର୍ମରେ ପରିଣତ କରାଯାଇପାରିବ ନାହିଁ। ସହାନୁଭୂତି କିମ୍ବା ନାଟକ ନୁହେଁ ବରଂ ଆଇନ ଓ ପ୍ରମାଣ ଆଧାରରେ କଠୋର ଭାବରେ ନ୍ୟାୟ ପ୍ରଦାନ କରାଯାଏ। ଆହୁରି ପଢନ୍ତୁ:IPL 2026: କିଶନ ଅଧିନାୟକ, ଅଭିଷେକ ଉପଅଧିନାୟକଆବେଦନକାରୀ ଦୟାଶଙ୍କର ପାଣ୍ଡେ ହାଇକୋର୍ଟଙ୍କ ଦ୍ୱାରସ୍ଥ ହୋଇ ଅଭିଯୋଗ କରିଥିଲେ ଯେ ସେ ମାରୁତି ସୁଜୁକି ସହ ଜଡିତ ୨୦୦ କୋଟିରୁ ଅଧିକ ଟଙ୍କାର ଜାଲିଆତି ଧରାପକାଇଥିଲେ। ଫଳସ୍ୱରୂପ ସେ ଓ ତାଙ୍କ ପରିବାର ବାରମ୍ବାର ଆକ୍ରମଣର ଶିକାର ହୋଇଥିଲେ। ସେ ଦାବି କରିଛନ୍ତି ଯେ, ଏହିପରି ଏକ ଘଟଣାରେ ତାଙ୍କ ପତ୍ନୀ ଗର୍ଭପାତ କରିଥିଲେ, ଯେତେବେଳେ ପୂର୍ବରୁ ଅଗ୍ନିକାଣ୍ଡ ସମ୍ବନ୍ଧୀୟ ଆକ୍ରମଣରେ ତାଙ୍କ ଝିଅ ଗୁରୁତର ଆହତ ହୋଇ ସ୍ଥାୟୀ ଭାବରେ ଅକ୍ଷମ ହୋଇଥିଲା। ଏହି ଘଟଣାକୁ ଦର୍ଶାଇ ସେ ହଡ଼ପ ହୋଇଥିବା ରାଶି, ତାଙ୍କ ଝିଅର ଚିକିତ୍ସା ପାଇଁ କ୍ଷତିପୂରଣ ଭାବରେ ୮୨ ଲକ୍ଷ ଟଙ୍କା ଓ ନିରପେକ୍ଷ ପୁଲିସ ତଦନ୍ତ ପାଇଁ ନିର୍ଦ୍ଦେଶ ମାଗିଥିଲେ। ଆହୁରି ପଢନ୍ତୁ:Flight Seats In India: ବିମାନରେ ପସନ୍ଦର ସିଟ୍‌ ଚୟନ ସ୍ବାଧୀନତାଶୁଣାଣି ସମୟରେ ରାଜ୍ୟ ସରକାର ଓ ମାରୁତି ସୁଜୁକି ଏହି ଆବେଦନକୁ ତୀବ୍ର ବିରୋଧ କରି ଯୁକ୍ତି ଦର୍ଶାଇଥିଲେ ଯେ, ଏହି ଦାବିଗୁଡ଼ିକ କୌଣସି ସମର୍ଥକ ଦସ୍ତାବିଜ ବିନା ଯାଞ୍ଚ ହୋଇନଥିବା ଅଭିଯୋଗ ଉପରେ ଆଧାରିତ। ରେକର୍ଡଗୁଡିକ ଯାଞ୍ଚ କରିବା ପରେ କୋର୍ଟ ଜାଣିବାକୁ ପାଇଲେ ଯେ, ଆବେଦନକାରୀ କର୍ତ୍ତୃପକ୍ଷଙ୍କ ନିକଟରେ ଦାଖଲ କରିଥିବା ଅଭିଯୋଗର ନକଲ ସମେତ ମୌଳିକ ପ୍ରମାଣ ମଧ୍ୟ ଦାଖଲ କରିବାରେ ବିଫଳ ହୋଇଛନ୍ତି। ଠୋସ୍ ତଥ୍ୟ ବିନା ଏଭଳି ଗୁରୁତର ଅଭିଯୋଗକୁ ଗ୍ରହଣ କରାଯାଇପାରିବ ନାହିଁ ବୋଲି ଦର୍ଶାଇ କୋର୍ଟ ଏହି ଆବେଦନକୁ ଖାରଜ କରି ଦେଇଛନ୍ତି। କୋର୍ଟ ଆବେଦନକାରୀଙ୍କୁ ପୂର୍ବ ଶୁଣାଣି ସମୟରେ ଏକ ମୃତଭ୍ରୁଣ କୋର୍ଟରେ ରଖିଥିବାରୁ ସମାଲୋଚନା କରିଥିଲେ ଏବଂ ଏହି କାର୍ଯ୍ୟକୁ ଅତ୍ୟନ୍ତ ଆପତ୍ତିଜନକ ଓ ଆଇନ ବିରୁଦ୍ଧ ବୋଲି କହିଥିଲେ। ତେବେ ଆବେଦନକାରୀଙ୍କ ପରିବାର ସମ୍ମୁଖୀନ ହେଉଥିବା କୌଣସି ବ୍ୟକ୍ତିଗତ କ୍ଷତି କିମ୍ବା ଯନ୍ତ୍ରଣା ପାଇଁ ସହାନୁଭୂତି ପ୍ରକାଶ କରି କୋର୍ଟ କହିଛନ୍ତି ଯେ, ଭାବନା ନ୍ୟାୟିକ ନିଷ୍ପତ୍ତିକୁ ପ୍ରଭାବିତ କରିପାରିବ ନାହିଁ। ଯଦି ଆବେଦନକାରୀଙ୍କର ପୁଲିସର ନିଷ୍କ୍ରିୟତା ବିଷୟରେ ଅଭିଯୋଗ ଅଛି, ତେବେ ହାଇକୋର୍ଟରେ ରିଟ୍ ଅଧିକାରକୁ ସିଧାସଳଖ ବ୍ୟବହାର କରିବା ପରିବର୍ତ୍ତେ ଆଇନ ଅନୁଯାୟୀ ଦକ୍ଷ ମାଜିଷ୍ଟ୍ରେଟଙ୍କ ନିକଟକୁ ଯିବା ଉପଯୁକ୍ତ ଉପାୟ ହେବ।

49 shares

😢

Sambad

Mar 18, 2026, 01:11 PM

ଆଶ୍ଚର୍ଯ୍ୟଜନକ ଘଟଣାରେ ବେଆଇନ କାର୍ଯ୍ୟ କରିବାକୁ ସରକାରୀ ଅଧିକାରୀଙ୍କୁ ଯୁବକଙ୍କ ଅନୁରୋଧ

ଚାନ୍ଦବାଲି: ସରକାରୀ ଅଫିସ କାର୍ଯ୍ୟାଳୟ ଭିତରେ ପଶି ଆଖିବୁଜା ଅଫିସରଙ୍କୁ ମାଡ଼। ତାହା ପୁଣି ଦିନ ଦିପହରେ ସର୍ବ ସମ୍ମୁଖରେ ଦେଖିବାକୁ ମିଳିଛି। ଏମିତି କି ଅଫିସ ଗୃହରୁଘୋଷାଡ଼ିଘୋଷାଡ଼ି ମାଡ଼ ମାରି ବାହାରେ ମାଡ଼ ମାରିବା ଘଟଣାସିସିଟିଭିକ୍ୟାମେରାରେ ରେକର୍ଡ ହୋଇଥିବା ଦେଖିବାକୁ ମିଳିଛି।ଭଦ୍ରକଜିଲ୍ଲାଚାନ୍ଦବାଲି ତହସିଲ ଅଧିନସ୍ଥ ସାରଣା ନିରୀକ୍ଷକ କାର୍ଯ୍ୟାଳୟରେ ଏମିତି ଏକ ଦୃଶ୍ୟ ଦେଖିବାକୁ ମିଳିଛି। ଆର.ଆଇ ତାପସ ରଞ୍ଜନ ଜେନା ଅଫିସରେ କାର୍ଯ୍ୟ କରୁଥିବା ସମୟରେ ଭୂଇଁବୃତ୍ତି ପଞ୍ଚାୟତ ଜଗନ୍ନାଥପୁର ଗ୍ରାମର ସର୍ବେଶ୍ୱର ଦାସଙ୍କ ପୁଅ ସୁବାସ ଦାସ ନାମକ ଜଣେ ଯୁବକ ଆର ଆଇ ଅଫିସକୁ ଯାଇ କିଛି ବେଆଇନ କାର୍ଯ୍ୟ କରିବା ପାଇଁ କହିଥିଲେl କିନ୍ତୁ ଆର.ଆଇ ତାପସ ରଞ୍ଜନ ଜେନା ତାଙ୍କୁ ମନା କରି ଦେବାରୁ ସୁବାସ ଦାସ ଅତର୍କିତ ଭାବେ ଆକ୍ରମଣ କରିଥିଲେl ଆହୁରି ପଢ଼ନ୍ତୁ:War: ଡ୍ରୋନ୍ ଆକ୍ରମଣ ଭୟ: ଦୁବାଇ ସମେତ ୟୁଏଇର ସମସ୍ତ ମସଜିଦ ଭିତରେ ଇଦ୍ ନମାଜ ପାଠ, ନିର୍ଦ୍ଦେଶ ହେଲା ଜାରି ଆର.ଆଇ ତାପସ ରଞ୍ଜନ ଜେନାଙ୍କ ଦେହ ଅସୁସ୍ଥ ହେବାରୁ ସେ ଡାକ୍ତରଖାନାରେ ଚିକିତ୍ସିତ ହେଉଛନ୍ତିl ନ୍ୟାୟ ପାଇଁ ଆର.ଇ ଥାନାରେ ଓ ତହସିଲଦାରଙ୍କୁ ଲିଖିତ ଅଭିଯୋଗ କରିଛନ୍ତି l ଏହି ଘଟଣାରେ ଚାନ୍ଦବାଲି ତହସିଲଦାର ଭବତୋଷ ମଲ୍ଲିକ କହିଛନ୍ତି ଏଭଳି କାଣ୍ଡ ଘଟାଇ ଥିବା ବ୍ୟକ୍ତି ଉପରେ ଦୃଢ଼ କାର୍ଯନୁଷ୍ଠାନ ନିଆଯିବ।

45 shares

😢

Dharitri

Mar 18, 2026, 08:14 AM

ରାୟଗଡ଼ାକୁ ଅପରାଧ ପ୍ରତ୍ୟାବର୍ତ୍ତନ ଚୋର ଓ ଡକାୟତମାନେ ପୁଣି ଆକ୍ରମଣ କଲେ

ରାୟଗଡ଼ା,୧୮ା୩(ଆଶିଷ ରଞ୍ଜନ ପଣ୍ଡା): କିଛି ଦିନର ନୀରବତା ପରେ ପୁଣି ରାୟଗଡ଼ା ସହରରେ ଆରମ୍ଭ ହୋଇଛି ଚୋରି ଓ ଲୁଟ୍‌। ପୋଲିସ୍‌କୁ ଏକପ୍ରକାର ଖୋଲା ଚ୍ୟାଲେଞ୍ଜ କରିଛନ୍ତି ଲୁଟେରା ଗ୍ୟାଙ୍ଗ୍‌। ରାୟଗଡ଼ା ସହରରେ ଲୁଟେରା ଗ୍ୟାଙ୍ଗ୍‌ ସ୍କୁଟି ଡିକି ଭାଙ୍ଗି ୧୧୦ ଗ୍ରାମ୍‌ ଓଜନର ସୁନାଗହଣା ଲୁଟି ନେଇଥିବା ଅଭିଯୋଗ ହୋଇଛି। ମଙ୍ଗଳବାର ମଧ୍ୟାହ୍ନରେ ବ୍ୟବସାୟୀ ସନ୍ତୋଷ ମହାପାତ୍ର ସହରର ସ୍ବାଗତ ଲେନ୍‌ରେ ଥିବା ଏକ ହୋଟେଲ ସମ୍ମୁଖରେ ସ୍କୁଟି ରଖି ଭିତରକୁ ଖାଇବାକୁ ଯାଇଥିଲେ। ଏହି ସମୟରେ ୨ଜଣ ଦୁର୍ବୃତ୍ତ ହୋଟେଲ ପରିସରକୁ ଆସି ସ୍କୁଟି ଡିକି ଭାଙ୍ଗି ୧୧୦ ଗ୍ରାମ ଓଜନର ସୁନା ଅଳଙ୍କାର ଲୁଟି ନେଇଥିଲେ। ଏହାର ଆନୁମାନିକ ମୂଲ୍ୟ ପ୍ରାୟ ୧୬ ଲକ୍ଷରୁ ଊଦ୍ଧର୍‌ବ ଟଙ୍କା ହେବ ବୋଲି ଜଣାପଡ଼ିଛି। ହୋଟେଲରୁ ଖାଇ ସାରି ଆସିବା ପରେ ସ୍କୁଟି ଡିକି ଭଙ୍ଗା ଯାଇଥିବା ଦେଖି ବ୍ୟବସାୟୀ ପାଟି କରିଥିଲେ ମଧ୍ୟ ସେତେବେଳକୁ ଲୁଟେରା ଚମ୍ପଟ୍‌ ମାରିଥିଲେ। ଏ ନେଇ ବ୍ୟବସାୟୀ ସନ୍ତୋଷ ରାୟଗଡ଼ା ଥାନାରେ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚତ୍ ତଦନ୍ତ ଆରମ୍ଭ କରିଛି। ହୋଟେଲ ବାହାରେ ଲାଗିଥିବା ସିସିଟିଭିକୁ ମଧ୍ୟ ପୋଲିସ ଯାଞ୍ଚ କରିଛି।ସନ୍ତୋଷଙ୍କ ଘର ଚାନ୍ଦିଲି ଥାନା ଅନ୍ତର୍ଗତ ଥେରୁବାଲିଠାରେ। ସେ ରାୟଗଡ଼ା ସହରରେ ଥିବା ସୁନା ଦୋକାନୀଙ୍କଠାରୁ ବକେୟାରେ ସୁନାଗହଣା ଆଣି ବିଭିନ୍ନ ଗାଁରେ ବୁଲି ବିକ୍ରି କରିଥା’ନ୍ତି। ମଙ୍ଗଳବାର ମଧ୍ୟ ମେନ୍‌ରୋଡ଼ସ୍ଥିତ ଏକ ଦୋକାନରେ ସୁନାଗହଣା କିଣିବା ପରେ ତାକୁ ନେଇ ଥେରୁବାଲି ଯାଉଥିଲେ। ତେବେ ରାୟଗଡ଼ା ସହରରେ ବାରମ୍ବାର ଲୁଟ୍‌ ଘଟି ଆସୁଥିବା ବେଳେ ପୋଲିସ ପାଟ୍ରୋଲିଂ ବ୍ୟବସ୍ଥାକୁ ଅଧିକ କଡ଼ାକଡ଼ି କରିବା ପାଇଁ ସାଧାରଣରେ ଦାବି ହେଉଛି। ଏ ସମ୍ପର୍କରେ ଏସ୍‌ଡିପିଓ ଗୌରହରି ସାହୁ କହିଛନ୍ତି, ଅଭିଯୋଗ ହସ୍ତଗତ ହେବା ପରେ ପୋଲିସ ତଦନ୍ତ କରୁଛି ଏବଂ ଦୁଇଟି ଟିମ୍‌ ଏହାର ତନାଘନା କରୁଛନ୍ତି।

45 shares

😢

Dharitri

Mar 18, 2026, 07:06 AM

ଚାନ୍ଦବାଲିରେ ସରକାରୀ କାର୍ଯ୍ୟାଳୟରେ ଅଧିକାରୀଙ୍କୁ ମାଚେଟ୍ ଦ୍ୱାରା ଆକ୍ରମଣ କଲେ ଯୁବକ

ଚାନ୍ଦବାଲି,୧୮ା୩(ଅଶୋକ ପଣ୍ଡା): ସରକାରୀ ଅଫିସ୍‌ ଭିତରେ ପଶି ଅଫିସରଙ୍କୁ ଆଖିବୁଜା ମାଡ଼। ତାହା ପୁଣି ଦିନ ଦ୍ୱିପ୍ରହରରେ ସର୍ବ ସମ୍ମୁଖରେ। ଏମିତି କି ଅଫିସ ଗୃହରୁ ଘୋଷାଡ଼ି ଘୋଷାଡ଼ି ମାଡ଼ ମାରି ବାହାରେ ମାଡ଼ ମାରିବା ଘଟଣା ସିସିଟିଭି କ୍ୟାମେରାରେ ରେକର୍ଡ ହୋଇଥିବା ଦେଖିବାକୁ ମିଳିଛି। ଏମିତି ଏକ ଦୃଶ୍ୟ ଦେଖିବାକୁ ମିଳିଛି ଭଦ୍ରକ ଜିଲା ଚାନ୍ଦବାଲି ତହସିଲ ଅଧିନସ୍ଥ ସାରଣା ନିରୀକ୍ଷକ କାର୍ଯ୍ୟାଳୟରେ। ଆର୍‌ଆଇ ତାପସ ରଞ୍ଜନ ଜେନା ଅଫିସରେ କାର୍ଯ୍ୟ କରୁଥିବା ସମୟରେ ଭୂଇଁବୃତ୍ତି ପଞ୍ଚାୟତ ଜଗନ୍ନାଥପୁର ଗ୍ରାମର ସର୍ବେଶ୍ୱର ଦାସଙ୍କ ପୁଅ ସୁବାସ ଦାସ ନାମକ ଜଣେ ଯୁବକ ଆର୍‌ଆଇ ଅଫିସକୁ ଯାଇ କିଛି ବେଆଇନ କାର୍ଯ୍ୟ କରିବା ପାଇଁ କହିଥିଲେ। କିନ୍ତୁ ଆର୍‌ଆଇ ଜେନା ତାଙ୍କୁ ମନା କରି ଦେବାରୁ ସୁବାସ ଅତର୍କିତ ଭାବେ ଆକ୍ରମଣ କରିଥିଲେ। ଆର୍‌ଆଇଙ୍କ ଦେହ ଅସୁସ୍ଥ ହେବାରୁ ସେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ନ୍ୟାୟ ପାଇଁ ଆର୍‌ଆଇ ଚାନ୍ଦବାଲି ଥାନାରେ ଓ ତହସିଲଦାରଙ୍କୁ ଲିଖିତ ଅଭିଯୋଗ କରିଛନ୍ତି। ଏହି ଘଟଣାରେ ଚାନ୍ଦବାଲି ତହସିଲଦାର ଭବତୋଷ ମଲ୍ଲିକ କହିଛନ୍ତି ଏଭଳି କାଣ୍ଡ ଘଟାଇ ଥିବା ବ୍ୟକ୍ତି ଉପରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ।

43 shares

😢

Prameya

Mar 18, 2026, 06:43 AM

ରେଢାଖୋଲ ଜଙ୍ଗଲରେ ପୁଲିସ ଏନକାଉଣ୍ଟର ଅପରାଧୀ ଗୁରୁତର ଆହତ

ରେଢ଼ାଖୋଲ, ୧୮।୩: ରେଢ଼ାଖୋଲ ଜଙ୍ଗଲରେ ପୁଲିସର ଏନକାଉଣ୍ଟର । ସମ୍ବଲପୁର ଜିଲ୍ଲା ରେଢ଼ାଖୋଲ ଥାନା ଡୁଙ୍କଛାଲି ଜଙ୍ଗଲରେ ବୁଧବାର ଭୋର ସକାଳେ ୫.୪୫ ମିନିଟ୍ ସମୟରେ ପୁଲିସ ଏନକାଉଣ୍ଟର କରିଛି । ପୁଲିସ ଗୁଳିରେ ଦୁର୍ଦ୍ଦାନ୍ତ ଅପରାଧୀ ଟିମା ଧନେଶ୍ଵର ଝାଙ୍କର ଗୁରୁତର, ଡାହାଣ ଗୋଡ଼ରେ ବାଜିଛି ଗୁଳି, ବୁର୍ଲା ମେଡିକାଲରେ ଭର୍ତ୍ତି, ଟିମା ନାଁରେ ବିଭିନ୍ନ ଜିଲ୍ଲାରେ ୪୦ରୁ ଅଧ‌ିକ ମାମଲା ଥିବା ସୂଚନା ମିଳିଛି । ଟିମାର ୩ ସହଯୋଗୀକୁ ମଧ୍ୟ ପୁଲିସ ଗିରଫ କରିଛି । ଅଭିଯୁକ୍ତ ତାଙ୍କ ୩ ଜଣ ସହଯୋଗୀ ସହିତ ରେଢ଼ାଖୋଲ ଥାନା ଅଞ୍ଚଳର ଡୁମଚାଳି ଜଙ୍ଗଲ ଅଞ୍ଚଳରେ ଥିବା ଜାଣି ନାକଟିଦେଉଳ ପୁଲିସ ସେମାନଙ୍କୁ ଅଟକାଇବାକୁ ପ୍ରୟାସ କରିଥିଲେ । କିନ୍ତୁ, ପୁଲିସକୁ ଚକମା ଦେଖାଇ ଅଭିଯୁକ୍ତ ଖସି ପଳାଇବା ଚେଷ୍ଟା କରି ପୁଲିସ ଉପରକୁ ଗୁଳି ଚାଲାଇଥିଲେ । ଆତ୍ମରକ୍ଷା ପାଇଁ ପୁଲିସ ପକ୍ଷରୁ ନିୟନ୍ତ୍ରିତ ଗୁଳିଚାଳନା କରାଯାଇଥିଲା । ଫଳରେ ଅଭିଯୁକ୍ତଙ୍କ ଡାହାଣ ପାଦରେ ଗୁଳି ଲାଗିଥିଲା । ଅଭିଯୁକ୍ତ ୩ ରାଉଣ୍ଡ ଗୁଳି ଚାଲାଇଥିବା ବେଳେ ପୁଲିସ ମଧ୍ୟ ନିୟନ୍ତ୍ରିତ ଭାବେ ୨ ରାଉଣ୍ଡ ଗୁଳି ଚାଲାଇଥିଲେ । ୩ ଜଣ ସହଯୋଗୀକୁ ଘଟଣାସ୍ଥଳରୁ ପୁଲିସ ଗିରଫ କରିବା ସହିତ ଟିମାକୁ ମଧ୍ୟ କାବୁ କରିଛି । ଏହି ସମୟରେ ପୁଲିସ ଏକ ପିସ୍ତଲ ସହିତ ଅଫୁଟା ଗୁଳି, ଏକ ବୋଲେରୋ ଗାଡ଼ି, ଏକ ତାର କଟର ଓ ବିଦ୍ୟୁତ ତାର କାଟିବାରେ ବ୍ୟବହୃତ ଅନ୍ୟାନ୍ୟ ଉପକରଣ ଜବତ କରି ତଦନ୍ତ ଆରମ୍ଭ କରିଛି ।

84 shares

😢

Sambad

Mar 18, 2026, 05:34 AM

ସୁନ୍ଦରଗଡ଼ରେ ସତର୍କ ଗ୍ରାମବାସୀଙ୍କ ଦ୍ୱାରା ଗୋରୁ ଚୋରାଚାଲାଣ ବିଫଳ

ସୁନ୍ଦରଗଡ଼: ସଦର ଥାନା କୋପସିଙ୍ଗା ଅଞ୍ଚଳରେ ଗତକାଲି ବିଳମ୍ବିତ ରାତିରେ ଗ୍ରାମବାସୀଗୋ-ଚାଲାଣକରୁଥିବା ପିକଅପ ଭ୍ୟାନକୁ ଅଟକାଇଛନ୍ତି। ଗାଁ ରାସ୍ତାରେ ଦ୍ରୁତ ଗତିରେ ଯାଉଥିବା ପିକଅପ ଭ୍ୟାନ୍ (OD-14C-2817) କୁ ସନ୍ଦେହ କରି ଅଟକାଇବାରୁ ସେଥିରେ ୧୩ଟି ଗୋରୁ ବୋଝେଇ ହୋଇଥିବା ଦେଖି ଗାଡ଼ିକୁ ଅଟକାଇବା ସହଚାଳକସମେତ ଅନ୍ୟ ୨ ଜଣ ସହଯୋଗୀଙ୍କୁ ମଧ୍ୟଅଟକରଖି ସଦର ଥାନାକୁ ଖବର ଦେଇଥିଲେ ଗ୍ରାମବାସୀ। ଏହି ଗାଡ଼ିର ଚାଳକ ଅତ୍ୟଧିକ ମଦ୍ୟପାନ କରି ବେପରୁଆ ଭାବେ ଗାଡ଼ି ଚଳାଉଥିବା ଅଭିଯୋଗ କରିଛନ୍ତି ସ୍ଥାନୀୟ ଗ୍ରାମବାସୀ। ଅଟକ ଥିବା ବ୍ୟକ୍ତିମାନେ ହେଲେ ଚାଳକ ସନମ କେରକେଟା (୨୬), ଗୋରୁ ବେପାରୀ ଆଲି ହୁସେନ (୪୦) ଏବଂ ସହଯୋଗୀ ସରନ କୁଂଅରଦାର (୨୨)। ଏମାନଙ୍କ ପାଖରେ ପଶୁ ପରିବହନ ପାଇଁ କୌଣସି ବୈଧ କାଗଜପତ୍ର ନଥିଲା। One Death Another Critical: କାଳ ବୈଶାଖୀ ଯୋଗୁଁ ଭାଙ୍ଗିଲା ଗଛ: ଚଳନ୍ତା ବାଇକ ଉପରେ ପଡ଼ିଗଲା ଗଛ, ଜ୍ବାଇଁ ମୃତ ଓ କକା ଶ୍ବଶୁର ଗୁରୁତର ଘଟଣାସ୍ଥଳରେ ତୀବ୍ର ଉତ୍ତେଜନା ପ୍ରକାଶ ପାଇଥିବା ବେଳେ ଗ୍ରାମବାସୀମାନେ ଗୋରୁଗୁଡ଼ିକୁ ଉଦ୍ଧାର କରି ସୁରକ୍ଷିତ ଭାବେ କୌଣସି ଗୋଶାଳାରେ ରଖିବା ପାଇଁ ଦାବି କରିଛନ୍ତି।

75 shares

😢

Dharitri

Mar 18, 2026, 04:47 AM

ବନ୍ଧୁ ହତ୍ୟାକାରୀ ପାଲଟିଗଲା ମିଥ୍ୟା ପ୍ରରୋଚନାରେ ଆଶ୍ରୟ ଖୋଜିବା ପରେ ବ୍ୟକ୍ତି ବନ୍ଧୁଙ୍କୁ ହତ୍ୟା କଲା

71 shares

😢

Prameya

Mar 18, 2026, 04:36 AM

ଭାରତ ବିରୋଧରେ ଆତଙ୍କବାଦୀ କାର୍ଯ୍ୟକଳାପ ଅଭିଯୋଗରେ ଏନ୍. ଆଇ. ଏ. ସାତ ଜଣ ବିଦେଶୀ ନାଗରିକଙ୍କୁ ଗିରଫ କରିଛି।

ନୂଆଦିଲ୍ଲୀ, ୧୮।୩:ଭାରତର ସୁରକ୍ଷା ବ୍ୟବସ୍ଥାକୁ ନେଇ ଏକ ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସିଛି । ଭାରତ ବିରୋଧରେ ଆତଙ୍କବାଦୀ କାର୍ଯ୍ୟକଳାପ ଓ ବିଦ୍ରୋହକୁ ପ୍ରଶ୍ରୟ ଦେବା ଅଭିଯୋଗରେ ଜାତୀୟ ତଦନ୍ତକାରୀ ସଂସ୍ଥା (NIA) ୭ ଜଣ ବିଦେଶୀ ନାଗରିକଙ୍କୁ ଗିରଫ କରିଛି । ଏହି ଗୋଷ୍ଠୀରେ ୬ ଜଣ ୟୁକ୍ରେନୀୟ ଏବଂ ଜଣେ ଆମେରିକୀୟ ନାଗରିକ ସାମିଲ ଅଛନ୍ତି । NIA ପକ୍ଷରୁ ମିଳିଥିବା ସୂଚନା ଅନୁଯାୟୀ, ଗିରଫ ହୋଇଥିବା ଆମେରିକୀୟ ନାଗରିକଙ୍କ ନାମ ମାଥ୍ୟୁ ଆରୋନ ଭାନଡାଇକ। ଅନ୍ୟ ୬ ଜଣ ୟୁକ୍ରେନୀୟ ନାଗରିକ ହେଲେ ପେଟ୍ରୋ ହୁର୍ବା, ତାରାସ ସ୍ଲିଭିଆକ, ଇଭାନ ସୁକମାନୋଭସ୍କି, ମାରିଅନ ଷ୍ଟେଫାନକିଭ, ମ୍ୟାକ୍ସିମ ହୋନଚାରୁକ, ଭିକ୍ଟର କାମିନ୍ସକି । ଏହା ବି ପଢ଼ନ୍ତୁ...ପସନ୍ଦର ସିଟ୍‌ରେ ବିମାନ ଯାତ୍ରା ପାଇଁ ଦେବାକୁ ପଡ଼ିବନି ଅତିରିକ୍ତ ଟଙ୍କା, ବଡ଼ ନିଷ୍ପତ୍ତି ନେଲେ ସରକାର ଫିଲ୍ମ ଷ୍ଟାଇଲରେ ହେଲା ଗିରଫଦାରୀ: ସୁରକ୍ଷା ଏଜେନ୍ସିଗୁଡ଼ିକ ଏକ ସ୍ୱତନ୍ତ୍ର ଅପରେସନ ଜରିଆରେ ଦେଶର ତିନୋଟି ପ୍ରମୁଖ ବିମାନବନ୍ଦରରୁ ଏମାନଙ୍କୁ କାବୁ କରିଥିଲେ । ଆମେରିକୀୟ ନାଗରିକ ଭାନଡାଇକଙ୍କୁ କୋଲକାତା ବିମାନବନ୍ଦରରୁ ଧରାଯାଇଥିବା ବେଳେ ଅନ୍ୟମାନଙ୍କୁ ଦିଲ୍ଲୀ ଓ ଲକ୍ଷ୍ନୌ ବିମାନବନ୍ଦରରୁ ଗିରଫ କରାଯାଇଛି । ସମସ୍ତ ଅଭିଯୁକ୍ତଙ୍କୁ କୋର୍ଟରେ ହାଜର କରାଯିବା ପରେ ମାର୍ଚ୍ଚ ୨୭ ପର୍ଯ୍ୟନ୍ତ ରିମାଣ୍ଡରେ ପଠାଇ ଦିଆଯାଇଛି । ଏହି ବିଦେଶୀ ନାଗରିକମାନେ ପର୍ଯ୍ୟଟନ ଭିସାରେ ଭାରତକୁ ଆସି ମିଜୋରାମର ନିଷିଦ୍ଧ ଓ ସଂରକ୍ଷିତ ଅଞ୍ଚଳରେ ବେଆଇନ ଭାବେ ପ୍ରବେଶ କରିଥିଲେ । ସେଠାରୁ ସେମାନେ ମିଆଁମାର ସୀମା ପାର୍ କରି ସେଠାକାର ସଶସ୍ତ୍ର ବିଦ୍ରୋହୀ ଗୋଷ୍ଠୀଙ୍କ ସହ ହାତ ମିଳାଇଥିଲେ । ମୁଖ୍ୟ ଅଭିଯୋଗଗୁଡ଼ିକ ହେଲା: ବିଦ୍ରୋହୀଙ୍କୁ ଡ୍ରୋନ୍ ପରିଚାଳନା, ଜାମିଂ କୌଶଳ ଓ ଯୁଦ୍ଧ କୌଶଳ ଶିଖାଇବା । ୟୁରୋପରୁ ବେଆଇନ ଭାବେ ଡ୍ରୋନ୍ ଅଂଶ ଓ ଅନ୍ୟାନ୍ୟ ଯୁଦ୍ଧ ସରଞ୍ଜାମ ମିଜୋରାମ ଦେଇ ମିଆଁମାରକୁ ପଠାଇବା । ମିଆଁମାରର ସାମରିକ ଶାସନ ବିରୋଧରେ ଲଢ଼ୁଥିବା ଗୋଷ୍ଠୀଙ୍କୁ ସହଯୋଗ କରିବା ସହ ଭାରତରେ ନିଷିଦ୍ଧ ଥିବା ବିଦ୍ରୋହୀ ସଙ୍ଗଠନକୁ ଅସ୍ତ୍ରଶସ୍ତ୍ର ଯୋଗାଇବାରେ ସାହାଯ୍ୟ କରିବା । ତଦନ୍ତରେ ହୋଇଥିବା ଖୁଲାସା: ପଚରାଉଚରା ସମୟରେ ଅଭିଯୁକ୍ତମାନେ ସ୍ୱୀକାର କରିଛନ୍ତି ଯେ, ସେମାନେ AK-47 ରାଇଫଲ୍ ଧରିଥିବା ଆତଙ୍କବାଦୀଙ୍କ ସହ ସିଧାସଳଖ ସମ୍ପର୍କରେ ଥିଲେ । NIA ସେମାନଙ୍କ ପାଖରୁ ଅନେକ ମୋବାଇଲ୍ ଫୋନ୍ ଜବତ କରିଛି । ଏହି ଷଡ଼ଯନ୍ତ୍ର ପଛରେ ଆଉ କାହାର ହାତ ଅଛି ଏବଂ ପାଣ୍ଠି କେଉଁଠୁ ଆସୁଥିଲା, ତାହା ଜାଣିବା ପାଇଁ ଜବତ ଫୋନଗୁଡ଼ିକୁ CERT-Inକୁ ଯାଞ୍ଚ ପାଇଁ ପଠାଯାଇଛି । ଏହି ଘଟଣାକୁ ନେଇ ଭାରତରେ ଥିବା ଆମେରିକୀୟ ଦୂତାବାସ ଗୋପନୀୟତା ରକ୍ଷା କରି ଅଧିକ କିଛି କହିବାକୁ ମନା କରିଥିବା ବେଳେ, ୟୁକ୍ରେନ ବୈଦେଶିକ ମନ୍ତ୍ରଣାଳୟ ନିଜ ନାଗରିକଙ୍କ ଗିରଫଦାରୀକୁ ସ୍ୱୀକାର କରିଛି । ୟୁକ୍ରେନ ଦୂତାବାସ ଏହି ଘଟଣା ଉପରେ ନଜର ରଖିଛି ।

59 shares

😢

Dharitri

Mar 18, 2026, 02:49 AM

ସମ୍ବଲପୁର ଜିଲ୍ଲାରେ କୁଖ୍ଯାତ ଅପରାଧୀ ଧନେଶ୍ୱର ଝଙ୍କରଙ୍କୁ ଗିରଫ କଲା ନକ୍ଟିଡେଉଲ ପୋଲିସ

ସମ୍ବଲପୁର, ୧୮।୩(ପ୍ରମୋଦ ବହିଦାର): ସମ୍ବଲପୁର ଜିଲା ନାକଟିଦେଉଳ ଥାନା ପୋଲିସକୁ ମିଳିଛି ଏକ ବଡ଼ ସଫଳତା। ବୁଧବାର ସକାଳୁ ପୋଲିସ ଓ ଅପରାଧୀଙ୍କ ମଧ୍ୟରେ ହୋଇଥିବା ଗୁଳି ବିନିମୟରେ ଦୁର୍ଦ୍ଦାନ୍ତ ଅପରାଧୀ ଧନେଶ୍ୱର ଝାଙ୍କର ଓରଫ ଟିମା ଆହତ ହୋଇଛନ୍ତି। ସୂଚନା ଅନୁଯାୟୀ, ବୁଧବାର ଭୋର ପ୍ରାୟ ୫ଟା ୪୫ ମିନିଟରେ ରେଢ଼ାଖୋଲ ଥାନା ଅନ୍ତର୍ଗତ ଦୁମଛାଲି ଜଙ୍ଗଲ ଅଞ୍ଚଳରେ ଟିମା ଓ ତାଙ୍କର ୩ ଜଣ ସହଯୋଗୀ ଲୁଚି ରହିଥିବା ନେଇ ପୋଲିସ ଖବର ପାଇଥିଲା। ନାକଟିଦେଉଳ ପୋଲିସ ଟିମ ସେଠାରେ ପହଞ୍ଚି ସେମାନଙ୍କୁ କାବୁ କରିବାକୁ ଚେଷ୍ଟା କରିଥିବା ବେଳେ ଅଭିଯୁକ୍ତ ଟିମା ପୋଲିସ ଉପରକୁ ଗୁଳି ଚଳାଇ ଫେରାର ହେବାକୁ ଉଦ୍ୟମ କରିଥିଲେ। ଏହାଦେଖି ଅଭିଯୁକ୍ତମାନେ ପୋଲିସ ଉପରକୁ ୩ ରାଉଣ୍ଡ ଗୁଳି ଖସିଯିବାକୁ ପ୍ରୟାସ କରିଥିଲେ। ମାତ୍ର ପୋଲିସ ପକ୍ଷରୁ ଆତ୍ମରକ୍ଷା ପାଇଁ ୨ ରାଉଣ୍ଡ ଗୁଳି ଚଳାଇଥିଲା। ପୋଲିସର ନିୟନ୍ତ୍ରିତ ଗୁଳି ଚାଳନାରେ ଟିମାଙ୍କ ଡାହାଣ ଗୋଡ଼ରେ ଗୁଳି ବାଜିଥିଲା। ଫଳରେ ସାେ ଫେରାର ହେବାରେ ବିଫଳ ହେବାରୁ ଘଟଣାସ୍ଥଳରୁ ପୋଲିସ ଟିମାଙ୍କ ସହ ତାଙ୍କର ୩ ଜଣ ସହଯୋଗୀଙ୍କୁ ଗିରଫ କରିଥିଲା। ଗୁଳିବିଦ୍ଧ ହୋଇ ଗୁରୁତର ଟିମାଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ପ୍ରଥମେ ରେଢ଼ାଖୋଲ ଉପଖଣ୍ଡ ଚିକିତ୍ସାଳୟରେ ପ୍ରାଥମିକ ଚିକିତ୍ସା ପରେ ଭିମସାରରେ ଭର୍ତ୍ତି କରାଯାଇଛି। ଅପରପକ୍ଷରେ ଅପରାଧୀମାନଙ୍କ ନିକଟରୁ ଏକ ପିସ୍ତଲ, ଜୀବନ୍ତ ଗୁଳି, ଏକ ବୋଲେରୋ ଗାଡ଼ି, ତାର କଟା ଯନ୍ତ୍ର ସମେତ ବିଦ୍ୟୁତ ତାର ଚୋରିରେ ବ୍ୟବହୃତ ବିଭିନ୍ନ ସାମଗ୍ରୀ ଜବତ କରିଛି। ସୂଚନାଯୋଗ୍ୟ ଯେ, ଟିମା ନାମରେ ଓଡ଼ିଶାର ବିଭିନ୍ନ ଜିଲ୍ଲାରେ ଡକାୟତି, ରାହାଜାନି, ଆର୍ମସ ଆକ୍ଟ ଏବଂ ଆଲୁମିନିୟମ ତାର ଚୋରି ଭଳି ପ୍ରାୟ ୪୧ରୁ ଅଧିକ ସଙ୍ଗୀନ ମାମଲା ରହିଛି। ବର୍ତ୍ତମାନ ପୋଲିସ ଏହି ଘଟଣାର ଅଧିକ ତଦନ୍ତ ଜାରି ରଖିଛି।

48 shares

😢

Sambad

Mar 18, 2026, 12:35 AM

ଓଡ଼ିଶା ସରକାର ଚାରୋଟି ନୂତନ ହୋଟେଲ ପ୍ରକଳ୍ପ ଏବଂ 25ଟି ଶିଳ୍ପ ପ୍ରକଳ୍ପକୁ ମଞ୍ଜୁରି ଦେଇଛନ୍ତି।

3 shares

😐