Prameya
May 5, 2026, 08:47 AM
ଲକ୍ଷ୍ନୌ ସୁପରଜିଆଣ୍ଟ୍ସକୁ ହରାଇ ପ୍ଲେ-ଅଫରେ ମୁମ୍ବାଇ ଇଣ୍ଡିଆନ୍ସ
ନୂଆଦିଲ୍ଲୀ,୦୫/୦୫;୫ଥର ଚାମ୍ପିଅନ ମୁମ୍ବାଇ ଦୀର୍ଘ ସମୟ ପରେ ବିଜୟଧାରାକୁ ପ୍ରତ୍ୟାବର୍ତ୍ତନ କରି ପ୍ଲେ-ଅଫ ଆଶା ଉଜ୍ଜୀବିତ ରଖିଛି । ୱାଙ୍ଖଡ଼େ ଷ୍ଟାଡ଼ିୟମ୍ରେ ଅନୁଷ୍ଠିତ ୪୭ତମ ଲିଗ୍ ମୁକାବିଲାରେ ଦଳ ୬ ୱିକେଟରେ ଲକ୍ଷ୍ନୌକୁ ପରାସ୍ତ କରିଥିଲା । ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ଲକ୍ଷ୍ନୌ ୫ ୱିକେଟ୍ ବିନିମୟରେ ୨୨୮ ରନ ସଂଗ୍ରହ କରିଥିଲା । ଜବାବରେ ମୁମ୍ବାଇ ୧୮.୪ ଓଭରରେ ୪ ୱିକେଟ୍ ହରାଇ ଆବଶ୍ୟକ ରନ ସଂଗ୍ରହ କରି ନେଇଥିଲା । ଏହି ମ୍ୟାଚରେ ଏକ ଅଜବ ଘଟଣା ଘଟିଛି । ମୁମ୍ବାଇ ଇଣ୍ଡିଆନ୍ସରେ ସବୁକିଛି ଠିକ୍ ଠାକ୍ ନାହିଁ । ଡ୍ରେସିଂ ରୁମ୍ ବିବାଦ ଖୋଲାଖୋଲି ଭାବରେ ସମ୍ମାକୁ ଆସିଛି । ହାର୍ଦ୍ଦିକ ପାଣ୍ଡ୍ୟାଙ୍କୁ ଅଧିନାୟକ ନିଯୁକ୍ତ କରାଯିବା ପରଠାରୁ, ମୁମ୍ବାଇ ଇଣ୍ଡିଆନ୍ସ ଜିତିବା ଭୁଲି ଯାଇଛି । ଚାମ୍ପିଅନ୍ ଦୂର କଥା, ଦଳ ପ୍ଲେଅଫ୍ ପହଞ୍ଚିବା ପାଇଁ ସଂଘର୍ଷ କରୁଛି । ଗତକାଲି ଲକ୍ଷ୍ନୌ ସୁପରଜିଆଣ୍ଟସ୍ ବିପକ୍ଷରେ ଦଳ ବିଜୟୀ ହୋଇଥିଲେ ମଧ୍ୟ, ଏହା ବିଶେଷଜ୍ଞ ଏବଂ ପ୍ରଶଂସକଙ୍କ ମଧ୍ୟ ଏକ ଆଲୋଚନାର ସୂତ୍ରପାତ କରିଛି । ରୋହିତ ଶର୍ମାଙ୍କ ଲେଉଟାଣି ରୋମାଞ୍ଚ, ବିସ୍ଫୋରକ ୮୪ ରନ-ମେ 4 ତାରିଖରେ ୱାଙ୍ଖେଡେ ଷ୍ଟାଡିୟମରେ ଲକ୍ଷ୍ନୌ ସୁପରଜାଏଣ୍ଟସକୁ ୬ ୱିକେଟରେ ପରାସ୍ତ କରି ନକଆଉଟରେ ପ୍ରବେଶ କରିବାର ସେମାନଙ୍କ ସାମାନ୍ୟ ଆଶାକୁ ଉଜ୍ଜୀବିତ ରଖିଛି । ମୁମ୍ବାଇର ବିଜୟ ଅପେକ୍ଷା ହାର୍ଦ୍ଦିକ ପାଣ୍ଡ୍ୟା ଏବଂ ରୋହିତ ଶର୍ମାଙ୍କ ବିଷୟରେ ଅଧିକ ଆଲୋଚନା ହେଉଛି । ହାର୍ଦ୍ଦିକ ପାଣ୍ଡ୍ୟା ଏହି ମ୍ୟାଚ୍ ଖେଳି ନଥିଲେ, ଏବଂ ଏପର୍ଯ୍ୟନ୍ତ ଫିଟ୍ ଘୋଷିତ ହୋଇନଥିବା ରୋହିତ ଶର୍ମା ହଠାତ୍ ପ୍ଲେଇଂ ଇଲେଭେନରେ ସ୍ଥାନ ପାଇଲେ । ରୋହିତ ଶର୍ମା ୪୪ ବଲ୍ ରେ ୮୪ ରନ କରିଥିଲେ, ଯେଉଁଥିରେ ସେ ୬ ଚୌକା ଏବଂ ୭ ଛକା ମାରିଥିଲେ । ଚର୍ଚ୍ଚା ହେଉଛି କି ହାର୍ଦ୍ଦିକ ପାଣ୍ଡ୍ୟା ଉକ୍ତ ମ୍ୟାଚରୁ ବାଦ ପଡିବାକୁ ରୋହିତ ଖେଳିବାକୁ ରାଜି ହେଲେ । କ’ଣ ରୋହିତ ପାଣ୍ଡ୍ୟାଙ୍କ ଅଧିନାୟକତ୍ୱରେ ଖେଳିବାକୁ ଚାହୁଁନାହାଁନ୍ତି ?ଏବେ ସୋସିଆଲ ମିଡିଆରେ କୁହାଯାଉଛି ଯେ, ରୋହିତ ଶର୍ମା ଜାଣିଶୁଣି ନିଜକୁ ପ୍ଲେଇଂ ଇଲେଭେନରୁ ବାହାରେ ରଖିଛନ୍ତି । ହାର୍ଦ୍ଦିକ ପାଣ୍ଡ୍ୟାଙ୍କ ସ୍ଥାନରେ ସୂର୍ଯ୍ୟକୁମାର ଯାଦବ ଅଧିନାୟକ ଦାୟିତ୍ୱ ନେବା ମାତ୍ରେ ହିଟମ୍ୟାନ୍ ଖେଳିବାକୁ ରାଜି ହୋଇଛନ୍ତି । ରୋହିତ ଶର୍ମା ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ ଖେଳିବାକୁ ଚାହୁଁନାହାଁନ୍ତି । ସେ ସୂର୍ଯ୍ୟଙ୍କ ନେତୃତ୍ୱରେ ଖେଳିବାକୁ ଭଲ ଭାବୁଛନ୍ତି । ହାର୍ଦ୍ଦିକ ପାଣ୍ଡ୍ୟା ହଠାତ୍ କାହିଁକି ଆଉଟ୍ ହେଲେ ?ଲକ୍ଷ୍ନୌ ଜାଏଣ୍ଟ୍ସ ବିପକ୍ଷରେ ୬ ୱିକେଟ୍ ବିଜୟ ପରେ, ଓପନର ରିଆନ୍ ରିକେଲ୍ଟନ୍ ପ୍ରେସମିଟରେ ହାର୍ଦ୍ଦିକଙ୍କ ଅନୁପସ୍ଥିତି ବିଷୟରେ କହିଥିଲେ । ରିକେଲ୍ଟନ୍ କହିଥିଲେ, "ମୁଁ ଜାଣିନାହିଁ ସେ କେବେ ଫେରିବେ । ତାଙ୍କର ପିଠିରେ ସମସ୍ୟା ଅଛି। ଆଘାତର ଗମ୍ଭୀରତା କେତେ ଜାଣିନାହିଁ। ସେ ଏହି ସପ୍ତାହରେ ରାୟପୁରରେ ଆମର ମ୍ୟାଚ୍ ପାଇଁ ଦଳକୁ ଫେରିବେ। ପୂର୍ବରୁ, ମୁମ୍ବାଇର କାମଚଳା ଅଧିନାୟକ ସୂର୍ଯ୍ୟକୁମାର ଯାଦବ ଟସ୍ ପରେ ଘୋଷଣା କରିଥିଲେ ଯେ ହାର୍ଦ୍ଦିକ ଆହତ ହୋଇଛନ୍ତି । ଏହା ବି ପଢନ୍ତୁ..ଆଇପିଏଲରେ ଶୃଙ୍ଖଳା ବିଗାଡ଼ୁଛି ‘ଗର୍ଲଫ୍ରେଣ୍ଡ୍ କଲ୍ଚର’, BCCI ଆଣିବ କଠୋର ନିୟମ ୧୦ଟି ମ୍ୟାଚ ଖେଳି ମୁମ୍ବାଇ ୩ ବିଜୟ ସହ ମୋଟ୍ ୬ ପଏଣ୍ଟ ଅର୍ଜନ କରିଛି । ଲକ୍ଷ୍ନୌ ୯ଟି ମ୍ୟାଚରୁ ସପ୍ତମ ପରାଜୟ ସହ ଅନ୍ତିମ ସ୍ଥାନ ବଜାୟ ରଖିଛି । ଟସ୍ ଜିତି ମୁମ୍ବାଇ ଫିଲ୍ଡିଂ ନିଷ୍ପତ୍ତି ନେଇଥିଲା । ହାର୍ଦ୍ଦିକ ପାଣ୍ଡ୍ୟା ଅସୁସ୍ଥ ଥିବାରୁ ତାଙ୍କ ସ୍ଥାନରେ ସୂର୍ଯ୍ୟକୁମାର ଯାଦବ ନେତୃତ୍ୱ ନେଇଥିଲେ । ରବିନ ମିଞ୍ଜଙ୍କ ସ୍ଥାନରେ ରାଜ ଅଙ୍ଗଦ ବାବା ଓ ଟ୍ରେଣ୍ଟ ବୋଲ୍ଟଙ୍କ ସ୍ଥାନରେ କର୍ବିନ ବସ୍କ ଏକାଦଶରେ ସ୍ଥାନ ପାଇଥିଲେ ।
76 shares
😢
