Environment News in ଓଡ଼ିଆ

Prameya

May 5, 2026, 08:29 AM

ବାତ୍ୟା ଚେତାବନୀ ଜାରି ଚିଲିକାରେ ଲାଇଫ୍ ଜ୍ୟାକେଟ୍ ବିନା ବୋଟିଂ ଉପରେ ପ୍ରତିବନ୍ଧକ

ଖୋର୍ଦ୍ଧା, ୦୫/୦୫ : ଚଳିତ ମାସ ଦ୍ୱିତୀୟ ସପ୍ତାହରେ ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହେବାକୁ ଥିବା ଲଘୁଚାପ ବାତ୍ୟା ରୂପ ନେବ ବୋଲି ଭାରତୀୟ ଆଞ୍ଚଳିକ ପାଣିପାଗ ବିଭାଗ ଆଶଙ୍କା କରିଛି । ଏଣୁ ଜିଲ୍ଲା ପ୍ରଶାସନକୁ ବାତ୍ୟା ଭୟ ଘାରିଛି । ତେଣୁ ବାତ୍ୟା ସମୟରେ ଲୋକଙ୍କ ଧନ ଜୀବନ ସୁରକ୍ଷା ଉପରେ ପ୍ରଶାସନ ଗୁରୁତ୍ୱାରୋପ କରିଛି । ଚିଲିକାରେ ବିନା ଲାଇଫ୍ ଜ୍ୟାକେଟରେ ପର୍ଯ୍ୟଟକଙ୍କ ନୌବିହାର ଏବଂ ଯାତ୍ରୀ ପରିବହନ ଉପରେ ଜିଲ୍ଲା ପ୍ରଶାସନ ରୋକ୍ ଲଗାଇଛି । ତେଣୁ ଚିଲିକା ଜଳଯାତ୍ରା ଓ ନୌକା ବିହାରରେ ବ୍ୟବହୃତ ଡଙ୍ଗା ଓ ବୋଟ୍ ମାଲିକଙ୍କୁ ଜିଲ୍ଲା ପ୍ରଶାସନ ପକ୍ଷରୁ ଏକ ନିର୍ଦ୍ଦେଶନାମା ଜାରି ହୋଇଛି । ୨୦୦୪ ମସିହା ଆଇନ ଅନୁସାରେ ଚିଲିକାରେ ଚଳାଚଳ କରୁଥିବା ସମସ୍ତ ସରକାରୀ ଓ ଘରୋଇ ଡଙ୍ଗାଗୁଡ଼ିକରେ ପର୍ଯ୍ୟଟକ ଓ ଯାତ୍ରୀ ବିନା ଲାଇଫ୍ ଜ୍ୟାକେଟରେ ଜଳଯାତ୍ରା କରିପାରିବେ ନାହିଁ ବୋଲି ପ୍ରଶାସନ ନିର୍ଦ୍ଦେଶ ଦେଇଛି । ଯଦି କୌଣସି ଡଙ୍ଗା, ବୋଟ୍ ମାଲିକ ପ୍ରଶାସନ ନିର୍ଦ୍ଦେଶାନାମାକୁ ଉଲ୍ଲଙ୍ଘନ କରେ ତାହାହେଲେ ସଂପୃକ୍ତ ଡଙ୍ଗା ମାଲିକ ଓ ଚାଳକଙ୍କ ଉପରେ ଆଇନ ଅନୁସାରେ କାର୍ଯ୍ୟାନୁଷ୍ଠାନ ନେବାକୁ ପ୍ରଶାସନ ଚେତାବନୀ ଦେଇଛି । ସେହିପରି ଘରୋଇ ଡଙ୍ଗା ଓ ନୌକାର ପରମିଟ୍, ଫିଟ୍ନେସ୍ ଯାଞ୍ଚ କରିବାକୁ ଜିଲ୍ଲାପାଳ ଅମ୍ରିତ ଋତୁରାଜ ବିଭାଗୀୟ ଅଧିକାରୀଙ୍କୁ ଆଦେଶ ଦେଇଥିବା ଜଣାପଡ଼ିଛି । ଯାତ୍ରୀ ଓ ପର୍ଯ୍ୟଟକଙ୍କ ସୁରକ୍ଷା ଦୃଷ୍ଟିରୁ ଏ ସମ୍ପର୍କରେ ଜିଲ୍ଲାପାଳ ଚିଲିକା ତଟବର୍ତ୍ତୀ କାଳିଜାଇ ବୋଟ୍ ମାଲିକ ସଂଘ,ବଡ଼କୂଳ, ମା’ କାଳିଜାଇ ଶ୍ରମିକ ସଂଗଠନକୁ ପତ୍ର ମାଧ୍ୟମରେ ଜଣାଇଛନ୍ତି । ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ପ୍ରେସ ଇସ୍ତାହାର ଜରିଆରେ ଅବଗତ କରାଯାଇଛି ।

86 shares

😢

Dharitri

May 5, 2026, 02:15 AM

ଓଡ଼ିଶାରେ ଅପ୍ରତ୍ୟାଶିତ ବର୍ଷା ଜାରି, ସାରା ରାଜ୍ୟରେ ତାପମାତ୍ରା ହ୍ରାସ

ଭୁବନେଶ୍ୱର, ୫ା୫(ବନ୍ଦନା ସେଠୀ):ରାଜ୍ୟରେ କାଳବୈଶାଖୀ ବର୍ଷା ଜାରି ରହିଥିବାବେଳେ ଅଧିକାଂଶ ସ୍ଥାନରେ ତାପମାତ୍ରା ହ୍ରାସ ପାଇଛି। କେବଳ ବୌଦ୍ଧ ଜିଲାରେ ସର୍ବୋଚ୍ଚ ତାପମାତ୍ରା ୪୨ ଡିଗ୍ରୀ ରହିଥିବାବେଳେ ଝାରସୁଗୁଡାରେ ୪୦.୬ ଡିଗ୍ରୀ ଏବଂ ତାଳଚେରରେ ୪୦.୨ ଡିଗ୍ରୀ ରେକର୍ଡ କରାଯାଇଥିଲା। ବାକି ସ୍ଥାନଗୁଡିକରେ ତାପମାତ୍ରା ୪୦ ଡିଗ୍ରୀ ତଳେ ରହିଥିଲା। ତେବେ ଆସନ୍ତା ୧୦ ତାରିଖ ପର୍ଯ୍ୟନ୍ତଘଡ଼ଘଡ଼ି ସହ ବର୍ଷା ଓ ପବନ ଲାଗି ରହିବ। ମଙ୍ଗଳବାର ସାରା ରାଜ୍ୟରେ ପ୍ରବଳ ବର୍ଷା ହେବା ସହିତ ସୁନ୍ଦରଗଡ଼, କେନ୍ଦୁଝର, ଦେବଗଡ଼, ସମ୍ବଲପୁର, ଅନୁଗୋଳ, ବୌଦ୍ଧ, କନ୍ଧମାଳ ଜିଲାର କିଛି ସ୍ଥାନରେ ପ୍ରବଳ ଓ ପବନ ବର୍ଷା ସହିତ ଘଡ଼ଘଡ଼ି ବିଜୁଳି ନେଇ ଅରେଞ୍ଜ ଓ୍ବାର୍ନିଂ ଦିଆଯାଇଛି। ତେବେ ସୁନ୍ଦରଗଡ଼ ଜିଲାରେ କୁଆପଥର ବୃଷ୍ଟିପାତ ନେଇ ପାଣିପାଗ ବିଭାଗ ପକ୍ଷରୁ ସତର୍କତା ଜାରି କରାଯାଇଛି। ଏହାବାଦ୍‌ ରାଜ୍ୟର ଅନ୍ୟ ଜିଲା ଯଥା ମୟୂରଭଞ୍ଜ, ଢେଙ୍କାନାଳ, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତ୍‌ସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି, ଝାରସୁଗୁଡା, ବରଗଡ଼, ସୋନପୁର, ନୂଆପଡ଼ା, ବଲାଙ୍ଗୀର, କଳାହାଣ୍ଡି, ନବରଙ୍ଗପୁର, ରାୟଗଡ଼ା, କୋରାପୁଟ ଏବଂ ମାଲକାନଗିରି ଜିଲାକୁ ଘଡ଼ଘଡ଼ି ବିଜୁଳି ସହ ବର୍ଷା ନେଇ ୟେଲୋ ଓ୍ବାର୍ନିଂ ଦିଆଯାଇଛି। କାଳବୈଶାଖୀ ସମୟରେ ବାହାରକୁ ନ ବାହାରି ଘରେ ସୁରକ୍ଷିତ ରହିବା ପାଇଁ ବିଭାଗ ପରାମର୍ଶ ଦେଇଛି। ସେହିପରି ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀମାନଙ୍କୁ ସତର୍କ କରାଯାଇଛି।

13 shares

😐

Prameya

May 4, 2026, 07:48 AM

ଫରେଷ୍ଟ ଫୋରେ ମାଧାପୁରରେ ଛଅ ଜଣ ଲୋକ କେନ୍ଦୁପତର ଭାଙ୍ଗିଛନ୍ତି

ମାଧପୁର, ୦୪/୦୫ : କେନ୍ଦୁପତ୍ର ତୋଳିବା ବେଳେ ଦଳିଦେଲା ଦନ୍ତା। ଦୌଡ଼ି ପଳାଇଲେ ସ୍ଵାମୀ, ହାତୀ ହାବୁଡ଼ରେ ପଡ଼ିଗଲେ ସ୍ତ୍ରୀ। ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ମାଧପୁର ଗାଁରେ ଏଭଳି ଅଭାବନୀୟ ଘଟଣା ଘଟିଛି। ଖବର ପାଇ ବନ ବିଭାଗ ଟିମ୍ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲା। ହେଲେ ସେତେବେଳକୁ ତାଙ୍କର ମୃତ୍ୟୁ ହୋଇସାରିଥିଲା। ସୂଚନା ଅନୁଯାୟୀ, ଆଠମଲ୍ଲିକ ବ୍ଲକ ମାଧପୁର ଗାଁର ଜ୍ୟୋତ୍ସ୍ନା ବିଶ୍ଵାଳ ଓ ସ୍ଵାମୀ ବିଜୟ ବିଶ୍ଵାଳଙ୍କ ସହ ୬ ଜଣ ଜଙ୍ଗଲକୁ କେନ୍ଦୁପତ୍ର ତୋଳିବାକୁ ଯାଇଥିଲେ। କେନ୍ଦୁପତ୍ର ତୋଳିବା ବେଳେ ଏକ ୬ ଟିକିଆ ହାତୀପଲ ସେମାନଙ୍କୁ ଆକ୍ରମଣ କରିଥିଲେ। ସମସ୍ତେ ଭୟରେ ଦୌଡ଼ି ପଳାଇଥିଲେ। ହେଲେ ଜ୍ୟୋସ୍ନା ହାତୀ ହାବୁଡ଼ରେ ପଡିଯାଇଥିଲେ। ହାତୀଟି ତାଙ୍କୁ ଦଳି ଦେଇଥିଲା। ଗାଁ ଠାରୁ ୧୦ କିମି ଦୂରରେ ନୂଆଗାଁ ସଂରକ୍ଷିତ ଜଙ୍ଗଲ ଭିତରେ ଏହି ଘଟଣା ଘଟିଥିବା ବେଳେ କାହାରି ପାଖରେ ମୋବାଇଲ୍ ନଥିଲା। ସମସ୍ତେ ୪ କିମି ଦୂର ବିଜପୁରକୁ ଚାଲି ଚାଲି ଆସି ଫୋନ କରିଥିଲେ। ବିଜପୁର ବିଟର ଫରେଷ୍ଟ ଗାର୍ଡ ରେଞ୍ଜ୍ ଅଫିସକୁ ଜଣାଇଥିଲେ। ମାଧପୁର ଅଫିସ ଷ୍ଟାଫ ସଦଳବଳେ ଯାଇ ଜ୍ୟୋତ୍ସ୍ନାଙ୍କୁ ଉଦ୍ଧାର କରି ମାଧପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ। ଅବସ୍ଥା ଗୁରୁତର ଥିବାରୁ ତାଙ୍କୁ ତୁରନ୍ତ ଆଠମଲ୍ଲିକ ଡାକ୍ତରଖାନା ସ୍ଥାନାନ୍ତର କରାଯାଇଥିଲା। ସେଠାରେ ପହଞ୍ଚିବା ପୂର୍ବରୁ ତାଙ୍କର ମୃତ୍ୟୁ ହେଇଯାଥିଲା। ତେବେ ବାରମ୍ଵାର ଏଭଳି ହାତୀ ଆକ୍ରମଣରେ ଲୋକଙ୍କ ଜୀବନ ଯାଉଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଏହି ଖବରଟିକୁ ପଢନ୍ତୁ-ବୟନିକାରୁ ୭ ଲକ୍ଷର ଶାଢ଼ି ଚୋରି ଘଟଣା: ମହିଳା ଲୁଟେରା ଗ୍ୟାଙ୍ଗ୍ ଗିରଫ ଭୟ, କୋରିୟରରେ ଫେରାଇ ଦେଲେ ୨୪ ଶାଢ଼ି

48 shares

😐

Dharitri

May 4, 2026, 05:24 AM

ଘୂର୍ଣ୍ଣିବଳୟର ଗତିବିଧି ଜାରି ରହିଥିବାରୁ ଓଡ଼ିଶାରେ ପ୍ରବଳ ବର୍ଷା ଓ ପବନ ସମ୍ଭାବନା

ଭୁବନେଶ୍ୱର,୪ା୫(ବନ୍ଦନା ସେଠୀ): ରାଜ୍ୟରେ କାଳବୈଶାଖୀ ପ୍ରଭାବ ଜାରି ରହିଛି । କିଛିଦିନ ହେବ ବର୍ଷା ହେଉଥିବାବେଳେ ରବିବାର ମେଘୁଆ ପାଗ ଯୋଗୁ ତାତିରୁ ଆଶ୍ୱସ୍ତି ମିଳିଛି। ତେବେ ଆଗାମୀ ୩ଦିନ ଯାଏ ପ୍ରବଳ ବର୍ଷା ଓ ପବନର ସମ୍ଭାବନା ଥିବାରୁ ପାଣିପାଗ ବିଭାଗ ସତର୍କ କରିଛି। ସୋମବାର ରାଜ୍ୟର ପ୍ରାୟ ସବୁ ଜିଲାରେ ବର୍ଷା ହେବ। ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତ୍‌ସିଂହପୁର, ମୟୁରଭଞ୍ଜ, କେନ୍ଦୁଝର, ସୁନ୍ଦରଗଡ଼, ନବରଙ୍ଗପୁର, କୋରାପୁଟ, କଳାହାଣ୍ଡି ଏବଂ ରାୟଗଡ଼ା ଜିଲାକୁ ଘଡ଼ଘଡ଼ି ବିଜୁଳି ସହିତ ପ୍ରବଳ ବର୍ଷା ପବନ ନେଇ ଅରେଞ୍ଜ ଓ୍ବାର୍ନିଂ ଜାରି କରାଯାଇଛି। ଏହି ସମୟରେ ପବନର ବେଗ ଘଣ୍ଟାପ୍ରତି ୫୦ ରୁ ୬୦ କି.ମି. ପର୍ଯ୍ୟନ୍ତ ରହିବା ନେଇ ସୂଚନା ଦିଆଯାଇଛି। ସେହିପରି ମୟୂରଭଞ୍ଜ, କେନ୍ଦୁଝର, ବାଲେଶ୍ୱର ଏବଂ ରାୟଗଡ଼ା ଜିଲାର କିଛି ସ୍ଥାନରେ କୁଆପଥର ମାଡ଼ ହେବା ନେଇ ପୂର୍ବନାନୁମାନ କରାଯାଇଛି। ଏଥିସହ ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି, ଝାରସୁଗୁଡା, ବରଗଡ଼, ସମ୍ବଲପୁର, ଦେବଗଡ଼, ଅନୁଗୋଳ, ଢେଙ୍କାନାଳ, ସୋନପୁର, ବୌଦ୍ଧ, କନ୍ଧମାଳ, ନୂଆପଡ଼ା, ବଲାଙ୍ଗୀର ଓ ମାଲକାନଗିରି ଜିଲାରେ ବର୍ଷା ପବନ ପାଇଁ ୟେଲୋ ଓ୍ବାର୍ନିଂ ଦିଆଯାଇଛି। ମଙ୍ଗଳବାର ମଧ୍ୟ ସୁନ୍ଦରଗଡ଼, ସମ୍ବଲପୁର, ଦେବଗଡ଼, ମୟୂରଭଞ୍ଜ, କେନ୍ଦୁଝର, ବାଲେଶ୍ୱର ଏବଂ ଝାରସୁଗୁଡା ଜିଲାକୁ ଘଡ଼ଘଡ଼ି ବିଜୁଳି ସହିତ ପ୍ରବଳ ବର୍ଷା ପବନ ଓ କୁଆପଥର ମାଡ଼ ନେଇ ଅରେଞ୍ଜ ଓ୍ବାର୍ନିଂ ଦିଆଯାଇଛି। ଆସନ୍ତା ୯ ତାରିଖ ପର୍ଯ୍ୟନ୍ତ ରାଜ୍ୟରେ ବର୍ଷା ହେବାକୁ ଥିବାବେଳେ ୩ ଦିନ ପର୍ଯ୍ୟନ୍ତ ବର୍ଷାର ପରିମାଣ ଅଧିକ ରହିବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି।ଅନ୍ୟପକ୍ଷରେ ରବିବାର ୪ଟି ଜିଲାର ଦିନ ତାପମାତ୍ରା ୪୦ ଡିଗ୍ରୀ ଓ ତା’ଠାରୁ ଅଧିକ ରହିଥିଲା। ବୌଦ୍ଧରେ ସର୍ବାଧିକ ୪୧.୭ ଡିଗ୍ରୀ ତାପମାତ୍ରା ରେକର୍ଡ ହୋଇଥିବାବେଳେ ଝାରସୁଗୁଡା ଓ ବଲାଙ୍ଗୀରରେ ୪୦.୨ ଡିଗ୍ରୀ ଏବଂ ତାଳଚେରରେ ୪୦ ଡିଗ୍ରୀ ରହିଥିଲା। ଉତ୍ତର ଉପକୂଳ ଏବଂ ଉତ୍ତର ଆଭ୍ୟନ୍ତରୀଣ ଓଡ଼ିଶାର କିଛି ସ୍ଥାନରେ ତାପମାତ୍ରା ୪ ରୁ ୬ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇଥିବାବେଳେ ରାଜ୍ୟର କିଛି ସ୍ଥାନରେ ତାପମାତ୍ରା ସ୍ବାଭାବିକଠାରୁ ପ୍ରାୟ ୨ରୁ ୩ ଡିଗ୍ରୀ କମ୍‌ ଓ ଅଧିକ ରହିଥିବା ସୂଚନା ଦିଆଯାଇଛି।

95 shares

😐

Dharitri

May 4, 2026, 05:11 AM

ତାପମାତ୍ରା ରେକର୍ଡ ସ୍ତରରେ ପହଞ୍ଚିବାର ଆଶଙ୍କା ସହିତ ଭାରତ ତୀବ୍ର ଉତ୍ତାପ ତରଙ୍ଗ ସମ୍ମୁଖୀନ ହେଉଛି

ନୂଆଦିଲ୍ଲୀ, ୪ା୫: ଚଳିତ ବର୍ଷର ଗ୍ରୀଷ୍ମଋତୁ ଆରମ୍ଭ ମାତ୍ର। ହେଲେ ଏବେଠାରୁ ଦେଶର ପ୍ରାୟ ପ୍ରତ୍ୟେକ ଭାଗରେ ଯେଭଳି ଗରମ ଅନୁଭୂତ ହେଉଛି ତାହା ସବୁ ବର୍ଷର ରେକର୍ଡକୁ ଟପିଯିବା ଭଳି ମନେ ହେଉଛି। ଏପ୍ରିଲ ମଧ୍ୟଭାଗ ସୁଦ୍ଧା ମଧ୍ୟପ୍ରଦେଶ, ମହାରାଷ୍ଟ୍ର, ଓଡ଼ିଶା ଏବଂ ଛତିଶଗଡ଼ ଆଦି ରାଜ୍ୟରେ ତାପମାତ୍ରା ୪୩ରୁ ୪୫ ଡିଗ୍ରୀ ଛୁଇଁଛି। ଭାରତୀୟ ପାଣିପାଗ ବିଭାଗ(ଆଇଏମ୍‌ଡି)ର ସତର୍କତା ଅନୁସାରେ ଦେଶର ପୂର୍ବ,କେନ୍ଦ୍ର ଏବଂ ଉତ୍ତର ପଶ୍ଚିମ ଭାଗରେ ଚଳିତ ବର୍ଷ ସ୍ବାଭାବିକଠାରୁ ଅଧିକ ଗ୍ରୀଷ୍ମ ପ୍ରବାହ ହେବ। ଏହାଛଡ଼ା ଚଳିତ ବର୍ଷ ଏଲ୍‌-ନିନୋ ପ୍ରଭାବରେ ମୌସୁମୀ ବର୍ଷା କମ୍‌ ହେବାର ଆଶଙ୍କା ରହିଥିବାରୁ ଗରମ ଏବଂ ଗୁଳୁଗୁଳି ଅସହ୍ୟ ହୋଇପଡ଼ିବ ବୋଲି ଆକଳନ କରାଯାଉଛି। ବିଶେଷକରି ସହରାଞ୍ଚଳ ସ୍ଥିତି ଗ୍ରାମାଞ୍ଚଳ ତୁଳନାରେ ଅଧିକ କଠିନ ହୋଇପଡ଼ିବାର ଆଶଙ୍କା ବଢାଇଛି। କାରଣ ସହରାଞ୍ଚଳ ଦେଶର ଅନ୍ୟାନ୍ୟ ଭାଗ ତୁଳନାରେ ୨ ଗୁଣ ଅଧିକ ଉତ୍ତପ୍ତ ହୋଇପଡ଼ୁଛି ବୋଲି ଏ ସମ୍ପର୍କରେ କରାଯାଇଥିବା ଏକ ସ୍ବତନ୍ତ୍ର ଅନୁଧ୍ୟାନରୁ ଜଣାପଡ଼ିଛି। ସହରାଞ୍ଚଳରେ ଗଛବୃକ୍ଷ ନଷ୍ଟ ସହ କୋଠାବାଡ଼ି ସଂଖ୍ୟା ବଢି କଂକ୍ରିଟ୍‌ ଜଙ୍ଗଲ ବୃଦ୍ଧି ହେବା ଦ୍ୱାରା ଅଧିକ ସୂର୍ଯ୍ୟ ଉତ୍ତାପ ବାୟୁମଣ୍ଡଳ ସମେତ ଭୂପୃଷ୍ଠ ଉତ୍ତାପ ବଢାଇ ‘ ଅର୍ବାନ ହିଟ୍‌ ଆଇଲାଣ୍ଡ’(ୟୁଏଚ୍‌ଆଇ) ପ୍ରଭାବ ସୃଷ୍ଟି କରିବା ଦିନ ଓ ରାତିରେ ଉତ୍ତାପ ବୃଦ୍ଧି କରିବାର ମୁଖ୍ୟ କାରଣ ପାଲଟିଛି। ଏହିକ୍ରମରେ ମୁମ୍ବାଇ, ଦିଲ୍ଲୀ, ବେଙ୍ଗାଲୁରୁ ଭଳି ବଡ଼ ବଡ଼ ସହର ସମେତ ମଧ୍ୟମ ସହରଗୁଡିକ ଅଧିକ ଉତ୍ତପ୍ତ ହେବାରେ ଲାଗିଛି। ସହରାଞ୍ଚଳରେ ଅସହ୍ୟ ଗରମରୁ ରକ୍ଷା ପାଇବା ଲାଗି ଲୋକମାନେ ଏୟାର କଣ୍ଡିଶନର(ଏସି)ର ବ୍ୟବହାର ବଢାଇ ଚାଲିଛନ୍ତି। ଗରମରୁ ରକ୍ଷା ପାଇବା ଲାଗି ଏସିର ବ୍ୟବହାର ସାରା ବିଶ୍ୱରେ ଭାରତରେ ସବୁଠୁ ଅଧିକ। ୨୦୨୪ରେ ଭାରତୀୟ ବଜାରରେ ୪୦ ନିୟୁତ ଏସି ବିକ୍ରି ହେବା ଘଟଣା ନୂଆ ରେକର୍ଡ ସୃଷ୍ଟି କରିଥିଲାବେଳେ ଏହାମଧ୍ୟରେ ଏହି ସଂଖ୍ୟା ଆହୁରି ଅଧିକ ସ୍ତରରେ ପହଞ୍ଚିଥିବା କଞ୍ଜ୍ୟୁମର୍‌ ଇଲେକ୍‌ଟ୍ରୋନିକ୍ସ ଆଣ୍ଡ ଆପ୍ଲିଆନ୍ସ୍‌ ମାନୁଫାକ୍‌ଚର ଆସୋସିଏଶନ ପକ୍ଷରୁ କୁହାଯାଇଛି। କିନ୍ତୁ ଭାରତରେ ଏତେ ସଂଖ୍ୟାରେ ଏସି ବ୍ୟବହାର ପରୋକ୍ଷରେ ପରିବେଶ ପାଇଁ ଉତ୍କଟ ସ୍ଥିତି ସୃଷ୍ଟି କରୁଥିବା କୁହାଯାଇଛି। ଏସି ଗରମରୁ ରକ୍ଷା ଦେଉଥିଲେ ହେଁ ଏହାର ପ୍ରଭାବ ବାୟୁମଣ୍ଡଳ ଏବଂ ପୃଥିବୀକୁ ଉତ୍ତପ୍ତ କରିବାରେ ଲାଗିଛି ବୋଲି ଗବେଷକମାନେ କହିଛନ୍ତି।ପ୍ରଥମତଃ ଖରାଦିନେ ବିପୁଳ ସଂଖ୍ୟାରେ ଏସି ଚାଲୁଥିବାରୁ ଅଧିକ ବିଦ୍ୟୁତ୍‌ଶକ୍ତି ଉପଯୋଗ ହୋଇଥାଏ। ଭାରତରେ ମୁଖ୍ୟତଃ କୋଇଲା ଏବଂ ଡିଜେଲ ଭଳି ଜୀବାଶ୍ମ ଇନ୍ଧନରୁ ବିଦ୍ୟୁତ୍‌ ଉତ୍ପନ୍ନ ହେଉଥିବାରୁ ଏହାର ପ୍ରଭାବ ମଧ୍ୟ ବାୟୁମଣ୍ଡଳ ଉପରେ ଅନୁଭୂତ ହୋଇଥାଏ। ୨୦୧୯-୨୦ ଆର୍ଥିକ ବର୍ଷରେ ଦେଶରେ ପିକ୍‌ ଆଓ୍ବାର ବିଦ୍ୟୁତ୍‌ ଚାହିଦା ୧୮୨.୫ ଗିଗାଓ୍ବାଟ୍‌ ରହିଥିଲାବେଳେ ୨୦୨୪ରେ ଏହା ୨୫୦ ଗିଗାଓ୍ବାଟକୁ ବୃଦ୍ଧି ପାଇଥିଲା। ଚଳିତ ବର୍ଷ ଏହା ୨୭୦ ଗିଗାଓ୍ବାଟ୍‌ରେ ପହଞ୍ଚିବ ବୋଲି ଅନୁମାନ ଲଗାଇ ସରକାର ଏଥିପାଇଁ ପ୍ରସ୍ତୁତି ନେଇଛନ୍ତି। ୨୦୨୩ରେ ଗ୍ରୀଷ୍ମକାଳୀନ ବିଦ୍ୟୁତ୍‌ ଚାହିଦାକୁ ନେଇ ଜୀବାଶ୍ମ ଇନ୍ଧନରୁ ଉତ୍ପନ୍ନ ଶକ୍ତି ୨୮୫୩ ୟୁନିଟ୍‌କୁ ବୃଦ୍ଧି ପାଇଥିଲା। କିନ୍ତୁ ଏହାଦ୍ୱାରା ବାୟୁମଣ୍ଡଳରେ ୨ ନିୟୁତ ଟନ୍‌ ଅଧିକ ଅଙ୍ଗାରକାମ୍ଳ ଗ୍ୟାସ୍‌ ପ୍ରବେଶ କରିଥିଲା। ଦ୍ୱିତୀୟରେ ‘ସ୍ପ୍ଲିଟ୍‌ ଏସି’ରେ ବ୍ୟବହାର ହେଉଥିବା ରାସାୟନିକ ରେଫ୍ରିଜେରାଣ୍ଟ୍‌ ମଧ୍ୟ ପରିବେଶ ପାଇଁ ଅଧିକ କ୍ଷତିକାରକ ସାବ୍ୟସ୍ତ ହେବାରେ ଲାଗିଛି। ଏହି ରେଫ୍ରିଜେରାଣ୍ଟ ମୁଖ୍ୟତଃ ‘ହାଇଡ୍ରୋଫ୍ଲୋରୋକାର୍ବନ(ଏଚ୍‌ଏଫ୍‌ସି) ଏବଂ ‘ଆର୍‌-୪୧୦ଏ’ ଶ୍ରେଣୀର ହୋଇଥିବାରୁ ଏହା ଅଙ୍ଗାରକାମ୍ଲ ଗ୍ୟାସ୍‌ ତୁଳନାରେ ୨୦୦୦ ଗୁଣ ଅଧିକ ଗ୍ଲୋବାଲ ଓ୍ବାର୍ମିଂର କାରଣ ହେଉଛି। ୨୦୫୦ ସୁଦ୍ଧା ସାରା ବିଶ୍ୱରେ ଯେତିକି ପରିମାଣର ଗ୍ରୀନ୍‌ ହାଉସ୍‌ ଉଦ୍‌ଗିରଣ ହେବ ବୋଲି ଆକଳନ କରାଯାଇଛି ତାହାର ୧୨ ପ୍ରତିଶତରୁ ଅଧିକ କେବଳ ଏହି ଏସି ରେଫ୍ରିଜେରାଣ୍ଟ ଦ୍ୱାରା ହେବ ବୋଲି ଜାତିସଂଘ ପର୍ଯ୍ୟାବରଣ କାର୍ଯ୍ୟକ୍ରମ ଦ୍ୱାରା ଆକଳନ କରାଯାଇଛି। ତେଣୁ ଗରମରୁ ରକ୍ଷା ପାଇବା ଲାଗି ଦିନକୁ ଦିନ ଏସିର ବ୍ୟବହାର ସଂଖ୍ୟ ବଢୁଥିଲାବେଳେ ଏହା ବୈଶ୍ୱିକ ପରିବେଶକୁ ଆହୁରି ଉତ୍ତପ୍ତ କରିବ ବୋଲି ବିଶେଷଜ୍ଞମାନେ କହିଛନ୍ତି।

78 shares

😐

Sambad

May 4, 2026, 12:16 AM

ଭାରତୀୟ ଜଙ୍ଗଲରେ ରହସ୍ୟମୟ ବିଶୃଙ୍ଖଳା

40 shares

😢

Sambad

May 3, 2026, 09:01 PM

କୃଷକଙ୍କ ଅଭିନବ ପଦ୍ଧତି ମରୁଡ଼ି ପ୍ରଭାବିତ ଝାରସୁଗୁଡ଼ାରେ ଫସଲ ବୃଦ୍ଧିକୁ ପୁନର୍ଜୀବିତ କରିବାରେ ସାହାଯ୍ୟ କରେ

ଝାରସୁଗୁଡ଼ା: ଅଭିମାନ କରିଛି ଭ୍ରମର। ତା’ ସାଙ୍ଗକୁ ମହୁମାଛି ବି ତା’ର ପ୍ରିୟଫୁଲପାଖରେ ଘୂରି ବୁଲିବା ଆଉ ଦେଖିବାକୁ ମିଳୁନି। ଫୁଲରୁ ଫୁଲକୁ ଡେଇଁ ରସ ଶୋଷିବା ହେଉଛି ଭ୍ରମର ଆଉ ମହୁମାଛିର କାମ। ହେଲେ ପ୍ରକୃତି ଉପରେ ଦାଉ ସାଧୁଥିବା ମଣିଷ ଉପରେ ଅଭିମାନ କରି ଭ୍ରମର, ମହୁମାଛି ନିରୁଦ୍ଦିଷ୍ଟ ହୋଇ ଯାଇଛନ୍ତି। ଫଳରେ ପରାଗସଙ୍ଗମ ବି ହୋଇପାରୁନି। ଯାହା ଦ୍ବାରା ଫୁଲରୁ ଫଳ ଧରିବା କଷ୍ଟକର ହେଉଛି। ଏଭଳି ସ୍ଥିତିରେ ମାଟି ସହ ମାଟି ହୋଇ କୃଷି ବୈଜ୍ଞାନିକଙ୍କ ପାଠଶାଳାକୁ ପଛରେ ପକାଉଥିବା ଅଭିଜ୍ଞ ଚାଷୀ ଭ୍ରମର ଆଉ ମହୁମାଛିର କାମକୁ ନିଜ ହାତକୁ ନେଇ ସୁନାର ଫସଲ ଫଳାଉଛନ୍ତି। Jharsuguda: ଫେରିଲା ଖରା, ଗରମ: ୪୧ ଡିଗ୍ରିମୁହାଁ ଝାରସୁଗୁଡ଼ା ସିନ୍ଦୂରା ଫାଟିବା ଆଗରୁ ପରିବା ବାଡ଼ିରେ ହାଜର ହୋଇଯାଉଛି ଚାଷୀ। ସୂର୍ଯ୍ୟଙ୍କ କିରଣ ପଡ଼ିବା ମାତ୍ରେ ମାଖନ (କଖାରୁ) ଲତାରୁ ଉପରକୁ ମୁଣ୍ଡ ଟେକୁଥିବା ଫୁଲ ଭିତରୁ ଅଣ୍ଡିରା ଫୁଲକୁ ଛିଣ୍ଡାଇ ନିକଟରେ ଥିବା ମାଈଫୁଲରେ ଝାଡ଼ିବାରେ ଲାଗିଛି। ସବୁ ମାଈଫୁଲ ଉପରେ ଅଣ୍ଡିରାଫୁଲର ଗୁଣ୍ଡିକୁ ଝାଡ଼ି ଝାଡ଼ି ଦେଉଛି। ଖାଲି ମାଖନ ନୁହେଁ, ତରଭୁଜ ଫୁଲରେ ବି ସମାନ ଢଙ୍ଗରେ ଫୁଲଝଡ଼ା ଚାଲିଛି। ଏଭଳି ଦୃଶ୍ୟ ଏବେ ହୀରାକୁଦ ଜଳଭଣ୍ଡାରର ଶୁଖିଲା ନଈପଠାରେ ହୋଇଥିବା ହଜାର ହଜାର ଏକର ପରିବା ବାଡ଼ିରେ ଦେଖିବାକୁ ମିଳୁଛି। ଦେଖିବା ଲୋକ ଆରମ୍ଭରୁ ଏହି କାମକୁ ବୁଝିବା କାଠିକର ପାଠ। ହେଲେ ଦିନ କେଇଟା ପରେ ଏହାର ଫଳାଫଳ ଦେଖିବା ପରେ ହିଁ ଅସଲ ରହସ୍ୟ ସାମନାକୁ ଆସୁଛି। କୌଣସି ଫୁଲ ଝଡ଼ିବା ପୂର୍ବରୁ ଫଳର ଆକାର ଧରିବାକୁ ସବୁ କ୍ରିୟା ସାରିଦେଇଥାଏ। ଏଥିରେ ପ୍ରକୃତିର ଅନବଦ୍ୟ ଅବଦାନ ଭାବେ ଅସଂଖ୍ୟ ଭ୍ରମର ଓ ମହୁମାଛି ସେହି ମାଈଫୁଲକୁ ପରିପୁଷ୍ଟ କରିବା ଲାଗି ପରାଗସଙ୍ଗମ କରିଥାନ୍ତି। ନିଜର ଖାଦ୍ୟ ଭାବେ ଫୁଲର ରସ ଶୋଷିବା ପ୍ରକ୍ରିୟା ଭିତରେ ପରାଗସଙ୍ଗମ ହୋଇଯାଇଥାଏ। ଯାହାକି କୌଣସି ଲତା ହେଉ ଅବା ବଡ଼ ଗୁଳ୍ମରେ ଫଳ ଧରିବା ସହଜ ହୋଇଥାଏ। ହେଲେ ବଦଳୁଥିବା ପ୍ରକୃତି ପାଇଁ ଏବେ ଆଉ ଭ୍ରମର କିମ୍ବା ମହୁମାଛି ଦେଖିବାକୁ ମିଳୁନାହାନ୍ତି। ଯାହାଦ୍ବାରା ପରାଗସଙ୍ଗମ ମଧ୍ୟ ହୋଇ ପାରୁନାହିଁ। ପରିଣାମ ସ୍ବରୂପ କଷି ଧରିବା ପୂର୍ବରୁ ଫଳ ଝଡ଼ିଯାଉଛି ତ ଆଉ କେଉଁଠି ରୋଗପୋକର ଶିକାର ହୋଇ ଆଶାନୁରୂପ ଫସଲ ଉତ୍ପାଦନ ହୋଇପାରୁନାହିଁ। ଏଭଳି ସ୍ଥିତିରେ ବର୍ତ୍ତମାନ କୌଣସି କୃଷି ବୈଜ୍ଞାନିକଙ୍କ ପରାମର୍ଶରେ ନୁହେଁ, ବରଂ ନିଜ ଅଭିଜ୍ଞତା ବଳରେ ଚାଷୀ ସୂର୍ଯ୍ୟ ଉଦୟ ହେବା ପୂର୍ବରୁ ବର୍ତ୍ତମାନ ଖରା ଦିନରେ ହୀରାକୁଦ ଜଳଭଣ୍ଡାରର ଶୁଖିଲା ନଈପଠାରେ ହେଉଥିବା ପନିପରିବା ଚାଷକୁ ଏହି ପଦ୍ଧତିରେ ହିଁ ସଫଳ କରିପାରୁଛି।ଝାରୁପଡ଼ା ଗାଁର ଯୁବଚାଷୀ ପ୍ରଦୀପ ସା କହିଛନ୍ତି, ଏହି ପଦ୍ଧତି ଦ୍ବାରା ଟିକିଏ କଷ୍ଟ କରିବାକୁ ପଡୁଛି ସତ, ହେଲେ ଏହାର ପରିଣାମ ବେଶ୍‌ ଫଳପ୍ରଦ ହେଉଛି। ଉପଯୁକ୍ତ ପରାଗସଙ୍ଗମ ଦ୍ବାରା ମାଖନ ଓ ତରଭୁଜ ପରି ଫଳ ବିନା ରୋଗପୋକରେ ବହୁତ ବଡ଼ ଆକାର ଧରି ପାରୁଛି। ଆଉ ଏହା ଅନେକ ମାତ୍ରାରେ ଉତ୍ପାଦନକୁ ବଢ଼ାଇ ଦେଉଛି ବୋଲି ସେ କହିଛନ୍ତି। ସେହିପରି ପଲସଦା ଗାଁର ଅନ୍ୟ ଜଣେ ଯୁବଚାଷୀ ହଳଧର କାଲୋ କହିଛନ୍ତି, ଏହି ପ୍ରକ୍ରିୟା ଦ୍ବାରା ଉତ୍ପାଦନ ଦୁଇରୁ ତିନିଗୁଣ ବଢ଼ିଯାଉଛି। ଏପରିକି ପ୍ରତିବର୍ଷ ପଟୁମାଟିରେ ପରିପୂର୍ଣ୍ଣ ହୀରାକୁଦ ଜଳଭଣ୍ଡାର ଅବବାହିକା ଅଞ୍ଚଳରେ ହେଉଥିବା ମାଖନ ଚାଷରେ ଗୋଟିଏ ଗୋଟିଏ କଖାରୁର ଓଜନ ୫୦ କିଲୋ ପର୍ଯ୍ୟନ୍ତ ଅତିକ୍ରମ କରୁଥିବା ଦେଖିବାକୁ ମିଳୁଛି। Jharsuguda: ସଂସାରରୁ ଶ୍ମଶାନ ଏକାଠି ଏକାଠି: ୪ ଦିନ ଧରି ସ୍ତ୍ରୀର ଶବକୁ ଜଗି ରହି ଶେଷରେ ଆଖିବୁଜିଲେ ସ୍ବାମୀ... ରହସ୍ୟ ଘେରରେ ଦମ୍ପତିଙ୍କ ମୃତ୍ୟୁ ଏ ନେଇ ବିଶିଷ୍ଟ କୃଷି ବୈଜ୍ଞାନିକ ଡ.ପ୍ରଶାନ୍ତ ନନ୍ଦ କହିଛନ୍ତି, ଚାଷୀଙ୍କ ଏଭଳି ଅଭିନବ ଉଦ୍ୟମ ନିଶ୍ଚିତ ଭାବେ କୃଷି ବିଜ୍ଞାନକୁ ପଛରେ ପକାଇ ଦେଉଛି। ଏହା ଉପରେ ଅଧିକ ଗବେଷଣା ସହ ଅଭିଜ୍ଞ ଚାଷୀଙ୍କ ଅଭିଜ୍ଞତାକୁ ସରକାର ରାଜ୍ୟରୁ ଆରମ୍ଭ କରି ସାରା ଦେଶରେ ପ୍ରୟୋଗ କରିବା କଥା ବୋଲି କହିଛନ୍ତି। ସୂଚନାଯୋଗ୍ୟ, ଆଜିକୁ ପ୍ରାୟ ୩ ଦଶନ୍ଧି ହେବଝାରସୁଗୁଡ଼ାଜିଲ୍ଲାର ଲଖନପୁର ବ୍ଲକ୍‌ ଓ ବରଗଡ଼ ଜିଲ୍ଲାର ଅମ୍ବାଭୋନା ବ୍ଲକ୍‌ ସୀମାରେ ଥିବା ହୀରାକୁଦ ଜଳଭଣ୍ଡାରର ଶୁଖିଲା ନଈପଠାରେ ପ୍ରାୟ ୨୦ ହଜାରରୁ ଅଧିକ ଏକର ଜମିରେ ପରିବା ଚାଷ ହୋଇଆସୁଛି।

49 shares

😢

Dharitri

May 3, 2026, 10:15 AM

ଗଞ୍ଜାମ ଜିଲ୍ଲାର ଛତ୍ରପୁରରେ ପ୍ରବଳ ବର୍ଷା

ଛତ୍ରପୁର,୩ା୫(ଦିଲ୍ଲୀପ ସାମଲ ): ଗଞ୍ଜାମ ଜିଲା ଛତ୍ରପୁରରେ ଆଜି ଘଡ଼ଘଡ଼ି ସହିତ ବର୍ଷା ହୋଇଛି । ତେବେ ହେଡ଼ କ୍ୱାଟରରେ ଥିବା ଜାତୀୟ ରାଜ ପଥରେ ସରବିସ ରୋଡ଼ରେ ଅଣ୍ଟାଏ ଉପରେ ପାଣି ଜମି ରହିଥିବାର ଦେଖିବାକୁ ମିଳିଛି । ଯିବା ଆସିବା ପାଇଁ ନାହିଁ ନଥିବାର ଅସୁବିଧା ଭୋଗୁଛନ୍ତି ଯାତ୍ରୀ ଓ ପଥଚାରି । ଅଣ୍ଟାଏ ପାଣି ଭିତରେ ଗାଡ଼ି ଚାଳକମାନେ ଗାଡ଼ି ନେଇ ଯାଉଥିବା ଦେଖାଯାଇଛି । ସାମାନ୍ୟ ବର୍ଷାରେ ବେହାଲ ହୋଇଯାଇଛି ଛତ୍ରପୁର ସହର ।

43 shares

😐

Prameya

May 3, 2026, 12:38 AM

ମେ ମାସ ପ୍ରାରମ୍ଭରେ ଓଡ଼ିଶା ଉପକୂଳରେ ଭୟଙ୍କର ଘୂର୍ଣ୍ଣିବଳୟ ସୃଷ୍ଟି ହେବାର ଆଶଙ୍କା

2 shares

😢